İngilis dili müəllimləri üçün British Council-ın elektron təhsil resurslarının istifadəsi üzrə təlimlər

2013-cü ilin mart ayının sonunadək Bakı, Quba, Hacıqabul, Şamaxı və Lənkəran şəhərlərində işləyən 250 İngilis dili müəlliminın peşəkarlıq səviyyəsinin artırılması üzrə təlimlər keçiriləcəkdir. Təlimlər Mədəd Azərbaycan təşkilatı tərəfindən British Council təşkilatının dəstəyi ilə “İngilis dili müəllimlərinin peşəkarlıq səviyyəsinin təkmilləşdirilməsi” layihəsinın ikinci mərhələsi çərçivəsində təşkil olunacaqdır.

Layihənin əsas məqsədi İngilis dilinin tədrisində elektron təhsil resurslarından istifadəni genişləndirməkdir. Təlimlərdə müəllimlər British Council tərəfindən təqdim olunmuş aşağıdakı elektron təhsil resursları ilə yaxından tanış olacaqlar:

·        http://learnenglish.britishcouncil.org.uk

·        http://learnenglishkids.britishcouncil.org.uk   

·        http://www.teachingenglish.org.uk;

·        http://learnenglishteens.britishcouncil.org.uk

Bununla yanaşı təlimlərdə müəllimlərə Microsoft Təhsildə Əməkdaşlıq internet şəbəkəsindən səmərəli istifadə etməklə onlayn müəllim icmalarının yaradılması üzrə praktik vərdişlər aşılanacaqdır. Nəticə etibarı ilə layihədən kənarda əməkdaşlıq çərçivəsində davamlı şəkildə elektron resurslarını sinif otaqlarında tətbiq edən müəllim qrupu formalaşacaqdır. 

Qeyd etmək lazımdır ki, “İngilis dili müəllimlərinin peşəkarlıq səviyyəsinin təkmilləşdirilməsi” layihəsi çərçivəsində 2012-ci ildə Bakı, Sumqayıt, Şirvan, Göyçay və Mingəçevir şəhərlərində işləyən 114 müəllim artıq analoji təlimlərdən keçmişdir.