Dekabrın 20-də “Kapital Bank” ASC səhmdarlarının növbədənkənar iclası olacaq. İclasın gündəliyinə bankın Müşahidə Şurasının tərkibində dəyişiklik daxildir.
Sonuncu dəfə MŞ-nin tərkibi 2015-ci ilin mayında formalaşdırılıb və beş nəfərdən ibarət olub.
“Pasha Holding” MMC bank qrupunun rəhbəri Cəlal Qasımov Şuranın sədri seçilib. Bu ilin yanvarında səhmdarlar MŞ üzvlərindən birinin – Cavid Quliyevin istefasını qəbul ediblər.
Qeyd edək ki, “Kapital Bank” ASC MŞ-nin sədri Cəlal Qasımov bu günlərdə “Pasha Holding” MMC İdarə Heyəti sədrinin birinci müavini təyin olunub. Çox güman ki, MŞ-nin tərkibinə yenidən baxılması bununla bağlıdır.
Bankın mətbuat xidmətindən səhmdarların yığıncağının çağırılmasının səbəblərini açıqlamayıblar.
Hazırda “Kapital Bank” ASC MŞ-də Rauf Hacıyev, Afaq Mustafayeva və Oqtay Həsənov təmsil olunublar.
“Kapital Bank” ASC şirkətlər “Pasha Holding” şirkətlər qrupuna daxildir. Bankın səhmlərinin 99,87%-i holdinqə məxsusdur. Nizamnamə kapitalı 185,5 mln. manat təşkil edir. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz