Dərman ixracı 3,6 dəfə artıb

Azərbaycan bu ilin 3 rübündə 11 mln 883,2 min məbləğində dərman vasitələri (16,3 ton) və tibb ləvasimatı (40 ton) ixrac edib. Bu, ötən ilkindən 3,6 dəfə çoxdur, deyə Dövlətstatkomda Turan-a bildiriblər.

İxrac Qırğızıstan ($6 216,6 min), Gürcüstan ($5 117,6 min) və Belarusa ($100,8 min) həyata keçirilib.

Paradoksaldır, amma faktdır ki,  dərman istehsalı məlumatları ixrac aktivliyi ilə uyuşmur. DSK-ya görə, bu ilin on ayında Azərbaycanda 2 mln 764,3 min manatlıq ($3 mln 265 min) bu maldan istehsal edilib.

Turan Dövlətstatkomda bu uyğunsuzluğu aydınlaşdırmaq istəsə də, orda aydın cavab verilməyib.

Ehtimal etmək olar ki, yerli müəssisələr vergidən yayınmaq üçün məhsul həcmini  gizlədir. Gömrükdə onu «cibdə» gizləmək olmur.

DSK-ya görə, Azərbaycanda 8 hüquqi və 5 fiziki şəxs dərman vasitələri istehsal edir. 2013-cü ildə onlar 3,2 mln manatlıq mal istehsal edib. Bu, ötən ilkindən 1,5 mln manat çoxdur. Müqayisəli qiymətlərlə məhsul istehsalı 12,7% artıb. 2010-cu illə müqayisədə bu müəssisələrin əsas fondlarının qiyməti 3 dəfə artaraq ilin əvvəlində 5,3 mln manat olub.

Ölkənin əczaçılıq müəssisələrində 200 nəfər çalışır. Onlar ayda 355 manat alır. Bu, 2013-cü ilin yanvar-oktyabrındakından 11% çoxdur.  08B