2016-cı ilin birinci rübündə proqnozlaşdırılan 363 milyon 260 min manat büdcə öhdəliyinə qarşı 416 milyon 920 min manat məbləğdə gömrük ödənişləri toplanaraq dövlət büdcəsinə köçürülüb. Bu barədə aprelin 9-da prezident İlham Əliyevin sədrliyilə keçirilən hökumətin iclasında Dövlət Gömrük Komitəsinin sədri Aydın Əıiyev bildiib.
Onun sözlərinə görə, proqnoza 114,77 faiz, yaxud 53 milyon 660 min manat artıqlaması ilə əməl edilib. Ötən ilin müvafiq dövrü ilə müqayisədə dövlət büdcəsinə 75 milyondan artıq vəsait köçürülüb.
A.Əliyev qeyd edib ki, idxalın həcminin ötən ilin müvafiq dövrü ilə müqayisədə 25 faizə qədər azalmasına baxmayaraq, gömrük vergi və rüsum ödənişləri artıb.
Nəzərə almaq lazımdır ki, gömrük vergi və rüsumlarının ödənişinin həcmi ABŞ dolları ilə müəyyən edilir və Mərkəzi Bankın müəyyən etdiyi milli valyutanın məzənnəsi üzrə konvertasiya edilərək ödənilir.
2015-ci ilin fevralından manat USD-yə nisbətdə iki dəfə devalvasiyaya uğrayıb. Odur ki, proqnoz göstəricilərinin təkrar yerinə yetirilməsi DGK üçün xüsusi çətinlik yaratmayıb.
“Azərbaycanın 2016-cı il üçün dövlət büdcəsi haqqında” qanuna görə, DGK üçün büdcə öhdəlikləri 1,81 mlrd. manat (+20%) həcmində nəzərdə tutulub. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz