Mayda gömrük tam şəkildə malların elektron bəyannamə sisteminə keçir

Mayın əvvəlində bütün gömrük orqanlarında bəyannamələrin elektron qəbulu başlayacaq. Bunu prezident İlham Əliyev sədrliyi ilə Nazirlər Kabinetinin 2016-cı ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclasında Gömrük Komitəsinin sədri Aydın Əliyev deyib.

Prosesə aprel ayının 4-dən etibarən başlayıb və gömrük təmsilçiləri vasitəsilə mal və nəqliyyat vasitələrinə elektron bəyannamə təqdim edilməsi üzrə şərait  yaradılmasını nəzərdə tutur.

Gömrük borcunun ödənilməsi məqsədilə gömrük sərhəd-buraxılış məntəqələrində poçt şöbələri yaradılması üzrə işçi qrup yaradılıb.

DGK sədri bildirib ki, Prezidentin gömrük sistemində islahatların davam etdirilməsi ilə bağlı əlavə tədbirlər haqqında 4 mart tarixli Sərəncamından irəli gələn tapşırıqların icrasına başlanılıb. Bu, ölkədə həyata keçirilən idxal-ixrac əməliyyatlarının aparılmasında şəffaflığın tam təmin olunmasına, xarici iqtisadi fəaliyyət iştirakçıları tərəfindən ölkə ərazisinə idxal olunan malların gömrük rəsmiləşdirilməsinin asanlaşdırılmasına, məmur-vətəndaş təmasının minimuma endirilməsinə şərait yaradacaq, - deyə A.Əliyev düşünür.

Qısa idxal bəyannaməsi və ona əlavə olunmuş baytarlıq, fitosanitar, gigiyenik və ya digər sertifikatların və mülki dövriyyəyə verilən xüsusi icazənin əvvəlcədən yoxlanması və gömrük ərazisinə buraxılışını tənzimləyən prosedur qaydaları müəyyən edilir. Qaydalara uyğun olaraq qısa idxal bəyannamələrinin elektron qaydada təqdim edilməsi ilə əlaqədar “Yaşıl dəhliz” buraxılış sisteminin tətbiqi həyata keçiriləcək. 08D