DİN-in şübhəli satınalmaları

  Daxili İşlər Nazirliyi Təchizat İdarəsi bu yaxınlarda 26 rayon şöbəsinin inzibati binalarında və müvəqqəti saxlama yerlərində təmir işlərinin satın alınması üzrə 9 müqavilə bağlayıb. Ümumi məbləği 263 min manat olan 3 müqavilə eyni adamın yaratdığı 3 şirkətlə bağlanılıb.

Satınalmalar üzrə Dövlət Komitəsinin məlumatına görə, 10 ayda bu tikililərin təmirinə 839 min manat ayrılıb. Şirvan, Şabran, Siyəzən, Xaçmaz, Biləsuvar, Salyan və Qusar RŞ binasının və Qusarda 3 bölmənin binasının təmirini “Luna Projekt”, “Resurs Projekt” və “Promoks Form” həyata keçirəcək. BU şirkətlər bu il yaradılıb və Fərqan Etibar oğlu Cəfərliyə məxsusdur. Bu şirkətlərin adı Daxili İşlər Nazirliyi Təchizat İdarəsinin satınalmasından başqa heç yerdə çəkilmir. Bu il bu şirkət 116 989 manat məbləğində daha üç təmir işinin podratçısı olub.

 Kommersiya strukturlarının dövlət reyestrinə əsasən, bu şəxsin adına 100-dək şirkət var. Onlar qeyri-şəffaf yolla dövlət satınalmalarında qalib olur. Məsələn, onun yeni “Platan Group” MMC şirkəti Bakıda Heydər Əliyev Mərkəzi üçün mebel alınmasında (48 140 manat) qalib olub.

Saxta şirkətlər vasitəsilə dövlət satınalmaları Azərbaycanda geniş yayılıb. “Missiya”larını yerinə yetirəndən sonra bu şirkətlər ləğv edilir. Turan bu qanunsuzluqları işıqlandırıb. Amma hüquq mühafizə orqanları reaksiya vermir. 08B