Mənzil İnşaatı Dövlət Agentliyinin tabeliyində olan “MİDA” MMC Yasamal yaşayış massivində sosial mənzil üçün ayrılan ərazidə doqquz çoxmənzilli binanın tikintisi üzrə tenderin nəticələrini elan edib.
Müsabiqədə iki şirkət qalib gəlib. “Huner-İnsaat” firması 12 mln 593,9 min manat, “NN Group” MMC 16 mln 171 min manat məbləğində sifariş alıb.
Əvvəl elan edilən şərtlərə görə, bütün mənzilər təmir olunmuş şəkildə istismara veriləcək. Tikinti işlərinin başa çatması müddəti barədə məlumat verilmir.
Yasamal yaşayış massivi 11,6 ha sahədə tikilir və 29 yaşayış binasından ibarətdir. Layihəyə əsasən, onlarda 1854 mənzil var. Bundan başqa, sosial mənzil üçün Hövsan qəsəbəsində 20 ha torpaq ayrılıb.
“MİDA” MMC 2016-cı ilin aprelində yaradılıb. Onun fəaliyyətinin təmin edilməsi üçün o vaxtdan 38 mln manat məbləğində 33 tender keçirilib. 08B
İqtisadiyyat
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
-
Qlobal dizel yanacaq qiymətləri və emal marjaları, ABŞ-ın Rusiya neft ticarətinə qarşı tətbiq etdiyi ən son sanksiyaların ardından kəskin artıb. Bu addım, təklifin azalacağı gözləntiləri ilə bazarlarda dalğalanmalara səbəb olub, analitiklər və LSEG məlumatları bunu təsdiq edir.
Rəy yaz