![Dövlət FM yayımçılarını dəstəkləyir](https://turan.az/resized/news/2024/BbFDjgTamR3QMxcsKU7NG74Fkx2bWT1vswDX3chx-750-500-resize.webp)
Dövlət FM yayımçılarını dəstəkləyir
Dövlət FM yayımçılarını dəstəkləyir
Milli Mətbuat günündə Azərbaycanda yayım şəbəkəsinin genişləndirilməsi üçün maliyyə vəsaitinin ayrılması haqqında prezident fərmanının icrasının gedişatının müzakirəsinə həsr olunmuş brifinq keçirilib.
24 iyul 2023-cü ildə verilən fərman yayım şəbəkəsinin genişləndirilməsi, əsasən özəl yayımçılara dövlət dəstəyinin verilməsi və yeni texnologiyalardan istifadə edərək müəyyən ərazilərdə eyni tezlikdə radio siqnalının qəbulunun təmin edilməsilə milli radiokanalların proqramlarının ölkə boyunca yayımlanmasının təmin edilməsinə yönəlib. Bunun əhali üçün yerli radio proqramlarının əlçatanlığını xeyli artıracağı gözlənilir.
Brifinqdə Prezident Administrasiyasının qeyri-hökumət təşkilatları ilə iş və əlaqələr şöbəsinin sektor müdiri Elmir Vəlizadə, rəqəmsal inkişaf və nəqliyyat nazirinin müavini Samir Məmmədov, Teleradio Yayım Şurası Aparatının rəhbəri Fazil Novruzov, "Teleradio" İstehsalat Birliyinin və Dövlət Radiotezliklər İdarəsinin, eləcə də müxtəlif media qurumlarının nümayəndələri iştirak ediblər.
Çıxış edənlər qeyd ediblər ki, fərman kütləvi informasiya vasitələrinin inkişafına əhəmiyyətli töhfə verir və FM yayımçılarına ciddi dövlət dəstəyini nümayiş etdirir.
Qeyd olunub ki, yayım şəbəkəsinin modernləşdirilməsi və genişləndirilməsi beynəlxalq əməkdaşlıq şəraitində həyata keçirilib. Bundan əlavə, 17 stansiyaya 127 yeni radiotezlik ayrılıb, qonşu ölkələrlə daimi əlaqə qurulur. Planlaşdırılan stansiyaların əksəriyyətində yayım avadanlığı quraşdırılıb və sınaq yayımları başlayıb. Hazırda təmir və texniki xidmət üzrə işlər aparılır.
Həmçinin fasiləsiz enerji təchizatı və planlaşdırılan digər məsələlərin həlli üçün zəruri infrastrukturun yaradılması istiqamətində fəal iş gedir.
Fərmanın icrası nəticəsində hazırda Bakıda və Abşeron yarımadasında qəbul edilən milli radio proqramları regionlarda da əlçatan olacaq. Bu, qonşu ölkələrdən xarici FM yayımları ilə müqayisədə həmin bölgələrdə qəbul edilən yerli radio proqramlarının sayını proporsional olaraq artıracaq.
Əvvəllər FM diapazonunda yayım əsasən paytaxtda həyata keçirilirdi ki, bu da bölgələrdəki sakinlərin milli radio proqramlarına çıxışını məhdudlaşdırırdı. Nazir müavini Samir Məmmədov bildirib ki, FM diapazonunda yayım üçün avadanlığın modernləşdirilməsinə və yayım infrastrukturunda ayrı-ayrı təmir-bərpa işlərinin aparılmasına ehtiyac var.
O qeyd edib ki, bəzi stansiyaların qidalanma sistemləri köhnəldiyindən dayanıqlı enerji təchizatı mühüm məsələyə çevrilib: "Bütün bu amillər FM yayım şəbəkəsinin keyfiyyətini və sabitliyini yaxşılaşdırmaq üçün hərtərəfli həll tələb edir. Fərman yayım şəbəkəsini yaxşılaşdırmaq və əsasən özəl yayımçılara dövlət dəstəyi göstərməklə bu problemi həllinə yönəlib”.
Bu layihə çərçivəsində yeni texnologiyalardan istifadə olunacaq. Radio məlumatlar sistemi hərəkət edən nəqliyyat vasitəsinin bir bölgədən digərinə keçərkən tezliyi avtomatik tənzimləməsinə imkan verəcək (tezlik dəyişikliyi və siqnal itkisi istisna olmaqla). Fərmanın həyata keçirilməsi üçün intensiv işlər görülür, planlaşdırılan stansiyaların əksəriyyətində avadanlıq quraşdırılıb. Hazırda test yayımları və profilaktik xidmət aparılır ki, bunlar da yaxşı nəticələr göstərir. İşlərin yaxın aylarda başa çatacağı gözlənilir. Yeni ayrılmış tezliklərin qonşu ölkələrlə və beynəlxalq səviyyədə koordinasiyası davam edəcək.
İqtisadiyyat
-
İqtisadiyyat Nazirliyinin məlumatına görə, 2015-ci ildən 2024-cü ilin birinci yarısına kimi Azərbaycanın sənaye zonalarında 13,5 milyard manatlıq (7,9 milyard ABŞ dolları) məhsul istehsal edilib, onun 4,4 milyard manatı (2,6 milyard dollar) ixrac edilib.
-
Bakıda reklam sektorundan 70-ə yaxın sahibkarın iştirak etdiyi “Reklam bazarında innovasiyalar və çağırışlar” mövzusunda dinamik müzakirə keçirilib. Tədbir bu sahənin cari tendensiyalarına və gələcək perspektivlərinə dərindən baxmaq üçün platforma təqdim edib.
-
"Aztelekom" və "Bakı Telefon Rabitəsi" avqustun 15-dən internetin qiymətlərində dəyişiklik olacağını açıqlayıb. Açıqlamada bildirilir ki, yeni tariflərdə abunəçilər üçün minimal sürət 100 Mbit/s-dən başlayacaq. Hər Mbit/s-ə ödəniş məbləği 0.45 AZN-dən 0.25 AZN-ə endiriləcək. Yəni,100 Mbit/s internetə 25, 150 Mbit/s-ə 30, 250 Mbit/s-ə isə 36 AZN qiymət təklif ediləcək.
-
Azərbaycan Prezidenti İlham Əliyev və Avropa Komissiyası Prezidenti Ursula von der Leyen-in Bakıda “Enerji sektorunda strateji tərəfdaşlıq haqqında Anlaşma Memorandumu” imzalamasından iki il keçir. İlkin nikbinliyə baxmayaraq, tammiqyaslı tərəfdaşlıq həyata keçmədi. Ukrayna münaqişəsi fonunda Rusiya qazından imtina səbəbindən 2022-ci ildə Avropanın qaz çatışmazlığı qorxuları, iki illik hüquqi və ticarət manevrlərindən sonra azaldı.
Azərbaycan və Ermənistan liderlərinin görüşü niyə baş tutmadı? – İlham İsmayıl Çətin sualda
Xəbər lenti
-
- Cəmiyyət,
- 15:11
- 296
Rəy yaz