![Fazil Qasımov 38-ci gündür aclıq edir](https://turan.az/resized/news/2024/QJ8ua2hWUce5eVrA3rCTNwZLSZe1sxfNQF6PZzqu-750-500-resize.webp)
Fazil Qasımov 38-ci gündür aclıq edir
Fazil Qasımov 38-ci gündür aclıq edir
İstanbul Universitetinin doktorantı, iqtisadçı Fazil Qasımov 38-ci gündür Bakı İstintaq Təcridxanasında aclıq edir.
O, qanunsuz həbsinə etiraz edir.
“Fazilin vəziyyəti çox ağırdır. Onu təcridxananın sanitar-tibb hissəsinə köçürmələrinə baxmayaraq, sudan başqa qida və hər hansı qidalandrırıcı dərman qəbul etmir. Səsi güclə çıxır”, - qardaşı Nazim Qasımov deyib.
Öz növbəsində vəkil Rövşanə Rəhimli bildirib ki, Fazil Qasımovla bağlı cinayət işinin ibtidai istintaqı başa çatıb. Cinayət işi bu həftə ərzində baxılması üçün məhkəməyə göndəriləcək.
*Fazil Qasımov 7 avqust 2023-cü ildə Türkiyədə saxlanılıb və Azərbaycana gətirilib. O, Cinayət Məcəlləsinin 204.3.1-ci (mütəşəkkil qrupun tərkibində saxta pulların hazırlanması, alınması və ya satışı) maddəsilə ittiham olunub.
İstintaq bildirir ki, o, saxta pulları sonradan həbs olunmuş müxalifətçi siyasətçi Qubad İbadoğluna verib.
Bu yaxınlarda Qasımov baş prokuror, ombudsman, yerli və beynəlxalq ictimaiyyətə müraciətində bildirib ki, bu ifadələri işgəncə altında verib. O, ifadələrdən imtina edərək İbadoğluna saxta pul vermədiyini, onunla heç vaxt FETO (Türkiyədə terror təşkilatı kimi tanınan Fətullah Gülən hərəkatı) mövzularında müzakirələr aparmadığını bildirib. Fazil Qasımov əsassız cinayət təqibinə və istintaqın əvvəlində məruz qaldığı işgəncələrə etiraz olaraq iyunun 14-dən aclıq edir.
-
- İqtisadiyyat
- 22 İyul 2024 16:05
Siyasət
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
-
İyulun 22-də Azərbaycan prezidenti İlham Əliyev “ASAN Viza” sistemi haqqında” Əsasnamədə dəyişiklik edilməsi barədə fərman imzalayıb.
-
İran Hərbi Dəniz Qüvvələri və Xəzər dənizində fəaliyyət göstərən bütün dəniz təşkilatları tərəfindən ilk dəfə olaraq Xəzər dənizində hibrid axtarış, xilasetmə və təhlükəsizlik təlimi həyata keçirilib. Bu barədə İRNA agentliyi məlumat yayıb.
Azərbaycan və Ermənistan liderlərinin görüşü niyə baş tutmadı? – İlham İsmayıl Çətin sualda
Xəbər lenti
-
- Cəmiyyət,
- 15:11
- 295
Rəy yaz