Dövlət məcburi köçkünlərin növbəti nəslinə də dəstək verəcək

Azərbaycanda məcburi köçkünlərin növbəti nəsli yaranıb. Qaçqınların və Məcburi Köçkünlərin İşləri üzrə Dövlət Komitəsinin qərarı ilə (http://e-qanun.az/print.php?internal=view&target=1&docid=26565&doctype=0) məcburi köçkünlərə (ölkə daxilində köçürülmüş şəxslərə) “məcburi köçkün” statusu və onu təsdiq edən vəsiqənin verilməsinə dair Qaydalar”ın 4.1.6-cı bəndinə dəyişiklik edilib.  Sənədə əsasən, valideynlərindən atası “məcburi köçkün” statusuna malik olan və hər iki valideyninin qeydiyyatı daimi yaşayış yeri üzrə işğal olunmuş rayon (şəhər) olan, Azərbaycan Respublikasının şəxsiyyət vəsiqəsini almış uşaqlara məcburi köçkün statusu verilir. 

Sənəd 9 sentyabrda imzalanıb və Hüquqi Aktların Dövlət Reyestrinə daxil edilməsi üçün Azərbaycan Respublikasının Ədliyyə Nazirliyinə göndərilib. Bu gündən qüvvəyə minir. 

Komitənin məlumatına görə, ölkədə 600 min 800 məcburi köçkün var. Onların 63%-i və ya 378 min 505 nəfəri əmək qabiliyyətlidir. 

Komitənin məcburi köçkünləri yerləşdirməli, sosial müdafiəsini, məşğulluğunu və  s. təmin etməlidir. 

Komitənin qərarları cəmiyyət üçün açıq deyil. Son 20 ildə yüz milyonların ayrılması barədə qarışıq məlumatlar verilir. Komitəyə ən çox vəsait 2008-ci ildə ayrılırb - $1,3 mlrd. Neft Fondundan transfert $850 mln, beynəlxalq təşkilatların krediti $738 mln olub. Komitə sədrinin sözlərinə görə, son 20 ildə bu kateqoriya əhali üçün 4,3 mlrd manat xərclənib. Tikilən 78 qəsəbədə 31 min mənzil var. --17D—