Dövlətstatkom 1 oktyabr üçün dövlət büdcəsi haqqında

2015-ci ilin yanvar-sentyabr aylarında dövlət büdcəsinin kəsiri 92,1 mln. manat və ya ÜDM-in 0,2%-ni təşkil edib. Dövlət Statistika Komitəsinin məlumatına görə, yanvar-sentyabr aylarında dövlət büdcəsinin gəlirləri 12 mlrd 66,3 mln manat təşkil edib. 2014-cü ilin yanvar-sentyabr ayları ilə müqayisədə azalma 14,2% olub.

Struktur ARDNF-dən transfertlərdən gəlirləri göstərmir. Amma bunu hesablamaq olar. Belə ki, mənfəət vergisi üzrə daxilolmalar 1 mlrd 570,5 mln manat (azalma 9,3%), ƏDV üzrə 2 mlrd 257,9 mln manat (dəyişməyib ), gəlir vergisi üzrə 796,1 mln manat (artım 12,4%), aksizlər üzrə 490,3 mln manat (azalma 21,7%) təşkil edib.

Hesabat dövründə dövlət büdcəsinin xərcləri 12 mlrd 158,4 mln manat (azalma 5,9%) təşkil edib.

İqtisadiyyatın inkişafına 4 mlrd 791,4 mln manat (azalma 12,5%) xərclənib. Ümumdövlət xərcləri 17,2% artaraq 1 mlrd 136,5 mln manat, sosial müdafiə və sosial təminat xərcləri 2% azalıb (1 mlrd 434 mln manat). Təhsilə 996,7 mln manat (+4,5%), hüquq-mühafizə və məhkəmə orqanlarına 736,3 mln manat (mənfi 1%), səhiyyəyə 454 mln manat (+0,9%) xərclənib.

2015-ci ilin dövlət büdcəsinin gəlirləri 19 mlrd 438 mln manat, xərcləri 21 mlrd 100 mln manat, kəsiri 1 mlrd 662 mln manat və ya ÜDM-in 2,8%-i səviyyəsində təsdiq edilib.  --17D—