Azərbaycanda kartof yığımı başa çatıb.
Dövlət Statistika Komitəsinin məlumatına görə, bu il 827,6 min ton kartof yığılıb. Bu, 2014-cü ildəkindən 1% çoxdur. Məhsuldarlıq 1 ha-dan 136 sentner olub. Bu, ötən ilkindən 3 s çoxdur. Bu il kartof sahələri (61 min ha) 0,7 min ha azalıb.
DSK-ya görə, 2014-cü ildə Azərbaycanda bir nəfərə kartof istehlakı 71,28 kq olub. Bu, əvvəlki ildəkindən 11% çoxdur.
Amma Statistika Komitəsinin məlumatına görə, 2014-cü ildə əhali 683 min ton kartof istehlak edib. Bu, 2013-cü ildəkindən 9 min ton azdır.
Statistika Komitəsi hökumət mənbələrinə istinadən bildirir ki, 2014-cü ildə kartof idxalı iki dəfə artıb və 143 634 ton təşkil edib. Amma Gömrük Komitəsi 129 445 ton toxumluq və ərzaq kartofu idxalı barədə məlumat verib. Dəqiqləşdirmə Kənd Təsərrüfatı Nazirliyi yanında Fitosanitar Xidmətinin məlumatı ilə aparılıb.
Maraqlıdır ki, hökumət ərzaq balansında ildən-ilə keçən 0,5 mln ton kartof barədə məlumat verir. Amma qış dövründə qıtlıq üzündən kartofun 1 kq-ı 30% bahalanaraq $1,2-1,5 manata çatır. 08B
İqtisadiyyat
-
Azerbaycanın Xəzər dənizində yerləşən Azeri Central East (ACE) platformasının istifadəyə verilməsi 2024-cü ildə BP üçün mühüm mərhələ olub, BP-nin CEO-su Murray O'Kinkloss 11 fevralda şirkətin 2024-cü il üzrə hesabatını təqdim edərkən belə deyib.
-
Orta Korridor (Transkaspiyalı Beynəlxalq Nəqliyyat Marşrutu, TMTM) boyunca yüklərin daşınması 2024-cü ildə rekord 3,3 milyon ton təşkil edib ki, bu da illik 20%-lik artım deməkdir, deyə Beynəlxalq “Transkaspiyalı Beynəlxalq Nəqliyyat Marşrutu” Assosiasiyasının Baş Katibi Xeydar Abdikəlimov bildirib.
-
Azərbaycanın milli aviadaşıyıcısı AZAL və İsrailin El Al aviaşirkəti kod-şer razılaşması çərçivəsində yeni tərəfdaşlıqlarını elan ediblər, bu da hər iki aviaşirkətin sərnişinlərinə birgə reyslərdən yararlanmaq imkanı verəcək, şirkətlər bazar günü verdikləri bəyanatda bildiriblər.
-
Təxminən beş illik fasilədən sonra Azərbaycan, Rusiya və Gürcüstan arasında sərnişin qatarlarının hərəkəti bərpa oluna bilər. İlkin planlara əsasən, mart və ya aprel aylarında bu marşrutlar yenidən fəaliyyətə başlaya bilər. Lakin Bakı rəsmiləri ehtiyatlı yanaşmalarını bildirir və quru sərhədlərindəki məhdudiyyətlərin hələ də qüvvədə olduğunu qeyd edirlər.
Rəy yaz