Dövlətstatkom bir sıra statistik məlumatların təbliğat xarakterli olması barədə ictimai rəylə razılaşmır
Bu gün Dövlət Statistika Komitəsində 2012-ci ilin sosial-iqtisadi yekunları ilə bağlı mətbuat konfransı keçirilib. Statistika ötən il sosial-iqtisadi vəziyyətin yaxşılaşdığını qeyd edir.
DSK rəhbəri Arif Vəliyev bütün makroiqtisadi göstəriciləri, həmçinin müxtəlif sahələr üzrə məlumatları açıqlayıb və bildirib ki, bunlar əhalinin rifahının yaxşılaşdığını göstərir. Turan-ın ictimai rəydə bir sıra statistik məlumatların (açılan iş yerləri, yoxsulluq səviyyəsi, əhalinin pul gəlirləri, aşağı inflyasiya səviyyəsi və s.) təbliğat xarakterli olması barədə yayılan fikirlər barədə sualına cavab olaraq DSK rəhbəri deyib ki, bununla razı deyil. Statistik məlumatlar əsasında hökumət son on ildə 1,2 mln yeni iş yeri açıldığını bildirir. Göstərilənlən rəqəmləri müdafiə edən Vəliyev deyib ki, bu dövrdə əhalinin demoqrafik artımı bu rəqəmə uyğun gəlir. Bundan başqa, iş yeri açılması zəruri personalın tam işə qəbulu demək deyil. Üstəlik, iş yerlərinin bir hissəsi müvəqqətidir. «İstismara verilən müəssisədə 100 yeni iş yeri var. Yoxlayanda məlum olur ki, real olaraq 10 nəfər işləyir», deyə Vəliyev bildirib.
Dövlətstatkomun ilkin məlumatına görə, 2013-cü ilin əvvəli üçün əhalinin 6%-i yoxsuldur. Bu hədd adambaşına gündə 3 manat gəlirdir. Azərbaycanda yoxsulluq adambaşına aylıq gəlirlə hesablanır. Dövlətqaçqınkom köçkünlər arasında yoxsulluq səviyyəsinin 15% olduğunu bildirir. Vəliyev deyib ki, bəlkə, bu qurumda da yoxsulluq səviyyəsi hesablanır.
DSK rəhbəri alternativ inflyasiya hesablaması ilə razılaşmır. Bu hesablamaya əsasən, istehlak qiymətləri 1,1% yox, 9,9%, artıb. «İqtisadi Tədqiqatlar Mərkəzi bəyəm nəzərə alır ki, məsələn, kartof Bakıdakına nisbətən Gədəbəydə 3 dəfə ucuzdur və ya qarpız Sabirabadda Bakıdan dəfələrlə ucuzdur?», deyə Vəliyev sual verib.
Dövlətstatkom 2012-ci ildə gizli iqtisadiyyatın səviyyəsini hesablamayıb. 2011-ci ildə o, 9% olub.
2013-cü il üçün inflyasiya proqnozu, Vəliyevə görə, 3-5% təşkil edəcək. 08
-
- İqtisadiyyat
- 18 Yanvar 2013 14:59
-
- İqtisadiyyat
- 18 Yanvar 2013 15:37
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz