Yanvarın ikinci ongünlüyü başa çatır, amma pensiyaçılar pensiyasını ala bilmir. Maliyyəçilər bildirir ki, bu maliyyəçilərin «əməlidir». Dövlət Sosial Müdafiə Fondunda bununla razılşamırlar.
DSMF mətbuat xidmətinin rəhbəri Elman Babayev bildirir ki, gecikmə IBAN – banklararası hesablaşmaların standartlaşmasının yeni sisteminə keçidlə bağlıdır. Sistem banklararası ödənişləri sürətləndirəcək. Yenilik beynəlxalq miqyasda banklararası hesablaşmalar sisteminə inteqrasiya imkanı verəcək. Bunun üçün Amerika banklararası hesablaşmalar sisteminin IBAN kodundan istifadə ediləcək.
Babayev Turan-a bildirib ki, bu gün axşam üçün texniki problem aradan qalxacaq, bazar ertəsindən pernsiyaçılar ölkə ərazisində adi rejimdə pensiyasını alacaq. Fond yeni sistemə keçəcəyini qabaqcadan bildiyi üçün aztəminatlı ailələrin marağını nəzərə alıb buna hazırlaşa bilərdi.
IBAN (ing. International Bank Account Number) Standartlaşdırma üzrə Beynəlxalq Təşkilat İSO-nun (ISO, International Organization for Standardization) və Bank Standartları üzrə Avropa Komitəsinin (ECBS, European Committee for Banking Standards) № 13616 standartıdır. --17D—
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz