![Seyran Ohanyan: Ermənistan HHQ və RƏM Qarabağa uçuşların təhlükəsizliyini təmin edəcək](https://turan.az/resized/750/500/resize/media/2013/main/011800025120.jpg)
Seyran Ohanyan: Ermənistan HHQ və RƏM Qarabağa uçuşların təhlükəsizliyini təmin edəcək
Yerevan/18.01.13/Turan-Аrmİnfo: Ermənistan HHQ və RƏM Qarabağa uçan mülki təyyarələrin təhlükəsizliyini təmin edəcək. Bu barədə yanvarın 18-də keçirilən mətbuat konfransında Ermənistanın müdafiə naziri Seyran Ohanyan Azərbaycanın mülki təyyarələrin Yerevandan Qarabağa və geriyə uçuşunun qarşısını almağa hazır olduğu haqında bəyanatlarını şərh edərkən bildirib.
“Stepanakert aeroportunun istismarı haqqında yekun qərar qəbul edildikdən sonra Ermənistanın hərbi hava qüvvələri RƏM ilə birlikdə Stepanakertə planlaşdırılan uçuşları təmin edəcək”, deyə nazir qeyd edib.
Ermənistan tərəfi Xocalıda aeroportun açılışını dəfələrlə müxtəlif səbəblərdən təxirə salıb. Bu günlərdə Qarabağ separatçılarının liderinin mətbuat katibi David Babayan bildirib ki, aeroport yaxın günlərdə açılacaq.
Qeyri-rəsmi məlumatlara görə, Ermənistan tərəfi ilk uçuşu dekabrın 24-də - İlham Əliyevin ad günündə həyata keçirmək istəyirdi, lakin son anda bu fikirdən daşınıb. Mənbənin məlumatına görə, ermənilər bu uçuşu fevralın 25-26-da – 1992-ci ildə Xocalının işğalının növbəti il dönümü günündə təşkil edə bilərlər.
Azərbaycanın bu uçuşlara qarşı güc tədbirləri münaqişə zonasında vəziyyəti ciddi şəkildə gərginləşdirəcək və genişmiqyaslı hərbi əməliyyatların başlanğıcına səbəb ola bilər.
Bir müddət əvvəl Amerika ekspertləri kosmosdan çəkilmiş, Ermənistanın Qori rayonunda və Qarabağda C-300 RƏM sistemlərinin, habelə digər zenit sistemlərinin olduğunu göstərən görüntüləri təhlil ediblər. -02D-
-
- İqtisadiyyat
- 18 Yanvar 2013 15:37
-
- Siyasət
- 18 Yanvar 2013 15:50
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz