Ölkəni indiki durumdan çıxarmağın resepti - müxalifətin birliyi
Demokratik Qüvvələrin Məşvərət Məclisi cümə günü Klassik Xalq Cəbhəsi Partiyasının qərargahında “Kriminallaşmış və korrupsiyalaşmış iqtidar ölkəni hara aparır?” mövzusunda dinləmələr keçirib.
KXCP sədri Mirmahmud Mirəlioğlu son 20 ildə ölkədə hakimiyyətdə olan iqtidarı başdan-ayağa korrupsiyaya batmış iqtidar adlandırıb. Hakimiyyətin bütün qollarının, idarəetmənin bütün vəsilələrinin rüşvət və korrupsiya bataqlığında olduğu deyilib. Cəmi 3 il əvvəl ölkədə korrupsiya olmadığını deyən iqtidarın indi korrupsiyaya qarşı daha güclü mübarizə aparmaq istəməsinin anlaşılan olmadığı vurğulanıb. “Elə bir sahə yoxdur ki, orada vətəndaşın hüququ orada pozulmasın, ona görə də xalqa ən böyük problem indiki iqtidarın özüdür”, - deyə AXCP sədri ölkənin bütün problemlərinin əsas qaynaqlarını göstərib.
Yüksək vəzifəli məmurların dövlət və büdcə vəsaitləri hesabına biznes qurmaları, nəticədə ölkədə bütün biznes saahələrini inhisara alan məmur-oliqarx təbəqəsinin formalaşdığı deyilib. Eyni zamanda, iqtidarın “korrupsiyaya qarşı” mübarizəsində həbs edilənlərin çoxunun YAP-çı məmurlar olduğu nəzərə çatdırılıb. İqtidarın cəmiyyətdəki neqativlərə laqeyd münasibəti ciddi tənqid edilib. Keçmiş rektor Elşad Abdullayevin yaydığı videomateriallarda dövlətin zirvə isimlərinin cinayət ittihamına məruz qalmasına reaksiya verilməməsi iqtidarın reallıq hissini itirməsi adlandırılıb. Dinləmələrdə vətəndaşlara rəsmi maaşı ilə yanaşı heç bir yerdə qeydə alınmayan “zərf üsulu” ilə pul verilməsi iqtidarın xalqı da korrupsiyaya bulaşdırmaq taktikası hesab edilib.
Eyni zamanda ölkənin düşdüyü bu durumdan çıxarılması üçün çıxış yolları da təklif edilib. Əksər hallarda çıxış yolu kimi bu seçki ilində bütün müxalif qüvvələrin birləşməsi təklifi səslənib. Müxalifətin dağınıq halda indiki iqtidara qalib gələ bilməyəcəyi xüsusi vurğulanaraq, bu cəhətə həssas yanaşmaq lazım olduğu qeyd edilib. -05C-
-
- İqtisadiyyat
- 18 Yanvar 2013 16:12
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz