Dövlətstatkom əhalinin mal istehlakı strukturuna köklü dəyişikliklər edir. Düzgün vergi uçotu olmadığı üçün onların real uçotu yoxdur. Ekspertlər hesab edir ki, hökumət statistik göstəriciləri siyasi maraqlarına uyğunlaşdırır.
DSk-ya görə, 2013-cü ilin yanvarında pərakəndə ticarət şəbəkəsində 1481,7 milyon manat məbləğində və ya 2012-ci ilin yanvar ayı ilə müqayisədə 9,1 faiz çox istehlak malları satılıb. Satılmış malların ümumi həcmində ərzaq məhsullarının həcmi 848,2 milyon manat və ya 57,2% olub. Qeyri-ərzaq mallarının həcmi 22,5 faiz artaraq 633,5 milyon manata bərabər olub (42,8%). Maraqlıdır ki, bir neçə il öncə satılan ərzaq və qeyri-ərzaq mallarının nisbəti 70%-30% idi. «Güzəran» İB-nin sədri Qadir İbrahimli DSK-nın məlumatlarını şərh edərkən Turan-a bildirib ki, hökumət qəsdən bu məlumatları saxtalaşdıraraq yoxsulluq səviyyəsi barədə dediklərinə haqq qazandırmaq istəyir. «Qeyri-ərzaq mallarının çəkisini artırmaqla rifah artımı görüntüsü yaratmaq istəyirlər, hərçənd bu istiqamətdə real addımlar yoxdur», deyə ekspert vurğulayıb.
Dövlətstatkoma görə, yanvarda adambaşına ərzağa 91,8 manat, qeyri-ərzaq mallarına 68,5 manat xərclənib. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz