Dünya Bankı aqrar sahəni gücləndirir

Mayın 2-ci yarısında aqrar-sənaye kompleksində rəqabəti gücləndirən layihəyə başalnılacaq.

Dünya Bankının (http://www.worldbank.org/content/dam/Worldbank/document/Azerbaijan-Snapshot.pdf) məlumatına görə, layihədə məqsəd sanitar və firosanitar xidmətlərin yaxşılaşdırılması yolu ilə istehsalçıların bazara çıxışını yaxşılaşdırmaqdır. Layihə müəllifləri kəndlilərin bazara çıxışını da düşünür. Layihənin məqsədi fitosanitar xidmətlərin gücləndirilməsi, aqrobiznes müəssisələri üçün maliyyə xidmətlərinin təqdim edilməsi yolu ilə kənd təsərrüfatı məhsulları istehsalçılarının bazarlara çıxışını asanlaşdırmaqdır.  

Əvvəllər məlumat verilmişdi ki, Dünya Bankının (DB) Direktorlar Şurası kənd təsərrüfatı sektorunda rəqabətliliyin gücləndirilməsi ilə bağlı layihənin reallaşdırılması üçün Azərbaycana 34,5 milyon ABŞ dolları məbləğində kredit ayırıb.

Layihə çərçivəsində kənd təsərrüfatı məhsullarının istehsalı, saxlanması, emalı və qablaşdırılmasından başlayaraq pərakəndə ticarət şəbəkəsinə çıxışına qədər tam istehsal və satış silsiləsinin yaradılması planlaşdırılır.

Layihə 31 dekabr 2018-ci ilə kimi davam edəcək.

Azərbaycan 1992-ci ildən Dünya Bankının üzvüdür. Əməkdaşlıq dövrü ərzində Azərbaycan hökuməti DB ilə 51 layihə üzrə ümumi məbləği 3,35 milyard ABŞ dolları təşkil edən kredit sazişləri imzalayıb. --17D—