Dövlətstatkoma görə, bu ilin yanvarında əhalinin gəlirləri 2012-ci ilin eyni ayı ilə müqayisədə 5,3% artıb
DSK məlumat verir ki, yanvar ayında əhalinin gəlirləri 2,3 milyard manat təşkil edib. Əhalinin hər sakininə orta hesabla 246 manat 10 qəpik düşüb. Adambaşına gəlirlər 3,9% artıb.
DSK-nın milli hesablar şöbəsində Turan-a deyiblər ki, gəlir vergisi, soasial sığorta, başqa icbari və könüllü ödənişlərə 300 mln manat yönəldilib. Beləliklə, əhalinin sərəncamında 2 mlrd manat qalıb. Bu vəsaitin əsas hissəsi istehlak ehtiyaclarına xərclənib.
2013-cü ildə yaşayış minimumu 116 manat səviyyəsində təsdiq edilib. Müstəqil ictimai strukturlar bu göstəricinin 200 manat olduğunu bildirir. Bir sıra sektorlarda (təhsil, səhiyyə, mədəniyyət, idman və s.) real əmək haqqı bu göstəricidən aşağıdır. Ona görə ekspertlər hesab edir ki, gəlirlərin əsas hissəsi oliqarxların və yüksək eşelondakı məmurların əlində cəmləşib. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz