Yoxsulluğun aradan qaldırılması üzrə miqyaslı proqram hazırlanır

Əmək və Əhalinin Sosial Müdafiəsi Nazirliyi “Ünvanlı dövlət sosial yardımı haqqında” qanuna dəyişikliklər edilməsi barədə qanun  layihəsi hazırlayıb. O, aztəminatlı ailələrə aylıq maliyyə verilməsindən imtinanı nəzərdə tutur. Ailələrin məşğulluğunu təmin edən, gəlirləri reabilitasiya edən metoda keçmək planlaşdırılır. 

Nazirliyinin ictimaiyyətlə əlaqələr şöbəsində Turan-a deyiblər ki, aztəminatlı ailələrə aktiv dəstək 2011-ci ilin aprelindən pilot qaydada həyata keçirilir. Ötən müddətdə artıq 13 rayon üzrə 281 ailə bu layihəyə cəlb edilib. Bu proqramın mahiyyəti ondan ibarətdir ki, dövlət yardımına ehtiyacı olanlara illik yardım bir dəfəyə verilir və bu pula ev heyvanı alınır. Səmərə 100%-dir. Bu yardımı alan ailələrin  96%-i maliyyə vəziyyətini düzəldib və kənar köməyə ehtiyac duymur. 

Nazirlikdə həmçinin deyiblər ki, “Ünvanlı dövlət sosial yardımı haqqında” qanuna dəyişikliklər edilməsi barədə qanun  layihəsinə əsasən, ailə tərkibi və əmlak vəziyyətində ünvanlı yardım almaq hüququna təsir edəcək dəyişikliklər gözlənilməyən ailələrə bu yardımların təyinat müddətinin iki, yaxud daha uzun müddətə uzadılması əksini tapıb. 

Qanun layihəsi aidiyyatı təşkilatlarla razılaşdırılıb və yaxın zamanlarda Nazirlər Kabinetinə təqdim olunacaq.

Ünvanlı sosial yardım 2006-cı ildən tətbiq edilir. 2012-ci ilin yekununa görə, 548 668 nəfər ailə üzvünü əhatə edən 124 217 ailənin hər birinə ayda orta hesabla 114 manat, hər ailə üzvünə 26 manat ünvanlı sosial yardım ödənilir. Ehtiyac meyarının məbləği 84 manat təşkil edir.  08D