![Partiya cərimələri iqtidarın repressiya siyasəti adlandırır](https://turan.az/resized/750/500/resize/media/2013/main/021900029052.jpg)
Partiya cərimələri iqtidarın repressiya siyasəti adlandırır
Müsavat Partiyası partiyanın başqanı İsa Qəmbərlə bağlı çərşənbə axşamı bəyanat yayıb.
Sənəddə fevralın 19-da bir qrup məhkəmə icraçısının İ.Qəmbərin mənzilinə gəldiyi bildirilir. Gəlişin səbəbi bu ilin 12 yanvar aksiyasında 500, 26 yanvar aksiyasında 2500 manat cərimə edilən “N!DA” Vətəndaş Hərəkatı İdarə Heyətinin üzvü, İ.Qəmbərin oğlu Turqut Qəmbərin məhkəmə cəriməsini ödəmədiyinə görə mənzildəki əmlakı qeydə almaq olub. Evin və evdəki əmlakın T.Qəmbərə deyil, İ.Qəmbərə aid olduğu izah edilsə də, məhkəmə icraçıları qanuna zidd əməldən çəkinməyiblər.
Sənəddə son günlər Bakıda, eləcə də ayrı-ayrı rayonlarda məhkəmə icraçılarının analoji tələblərlə adı çəkilən aksiyalarda cərimə olunan fəalların mənzillərinə soxulması nəzərə çatdırılır. Həmin evlərdəki əmlakın cərimə olunan şəxsə aid olub-olmadığı müəyyənləşdirilmir. Müsavat gənclərinin lideri Tural Abbaslı, təşkilatın fəalı Elçin Cərullazadə, Azad Gənclik Təşkilatının sədri Ülvü Həsənli, AXCP gənclərinin lideri Əbülfəz Qurbanlı bu təzyiqlərlə üzləşiblər.
Kütləvi aksiyalarda iştiraka görə parlamentin cərimələri absurd həddə kimi yüksəltməsi siyasi repressiya sayılır. Müəlliflər belə zorakı üsullarla şantajı siyasi fəallığın qarşısını almaq hesab edirlər. Bu kampaniya iqtidarın yeni repressiya siyasəti adlandırılır. Belə təqib və təzyiqlərin insanları öz haqları, ölkədə demokratiya, azad vətəndaş cəmiyyətinin qurulması uğrunda mübarizədən yayındırmayacağı bəyan edilir. Son olaraq bu özbaşınalıqlara tezliklə son qoyulması tələb edilir və iqtidarın bu üsullarla məqsədinə çata bilməyəcəyi nəzərə çatdırılır. -05D-
-
- Siyasət
- 19 Fevral 2013 17:47
-
- İqtisadiyyat
- 19 Fevral 2013 18:31
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz