Tədiyə balansının indiki tablosu - $7,4 mlrd.-a yaxın qeyri-neft kəsiri ilə manatın real məzənnəsinin hansı nöqtədə qərarlaşacağını proqnozlaşdırmaq imkansızdır. Amma ümumi nəticəni proqnozlaşdırmaq mümkündür - yekun nəticə güclə ayaq üstə tab gətirən iqtisadiyyatın tap kollapsı ola bilər. Bu barədə iqtisadçı Rövşən Ağayev milli valyutanın tam üzən məzənnəyə keçməsi ilə bağlı hökumətin planlarını şərh edərkən bildirib.
9 ayın yekunlarına görə, xarici ticarət balansı üzrə kəsir $4 mlrd. 145 mln., xidmətlər balansı üzrə $312 mln., maliyyə əməliyyatları üzrə $2 mlrd. 935 mln. təşkil edir.
R.Ağayevin fikrincə, manat o zaman dayanıqlı valyuta kimi sərbəst üzən məzənnəyə keçəcək və bu keçid iqtisadiyyat üçün dağıdıcı olmayacaq ki, tədiyə balansının qeyri-neft kəsirinin indiki nəhəng məbləği ən ideal halda profisitlə əvəzlənəcək, ən pis halda minimuma enəcək.
Qeyd edək ki, hökumət manatın məzənnəsinin tənzimlənməsindən imtina edərək tam üzən məzənnəyə keçməyi planlaşdırır.08D
İqtisadiyyat
-
Avropa Komissiyası Azərbaycanın Avropaya qaz ixracının artmasını Avropa İttifaqının enerji təhlükəsizliyini təmin etmək üçün vacib alternativ hesab edir, Avropa İttifaqının Enerji Komissarı Kadri Simson BMT-nin COP29 sammitində Turan-a verdiyi eksklüziv müsahibədə bildirib.
-
Bu ilin əvvəlində Qlobal Neft və Qaz Metan Tərəfdaşlığı 2.0 (OGMP 2.0) platformasına qoşulan Azərbaycan Dövlət Neft Şirkəti (SOCAR), COP29 çərçivəsində 15 noyabrda "Yaşıl Zona"da “OGMP 2.0 Liderlər Forumu”na ev sahibliyi etdi. Tədbir neft-qaz sənayesində metan emissiyalarının azaldılması sahəsində irəliləyiş və perspektivləri müzakirə etmək üçün əsas tərəfdaşları bir araya topladı.
-
BMT-nin İqlim Dəyişikliyi üzrə Çərçivə Konvensiyasının (UNFCCC) İcraçı Katibi Saymon Stil, 17-20 noyabr tarixlərində Rio-de-Janeyroda keçiriləcək G20 sammiti ərəfəsində iqlim maliyyələşdirilməsi müzakirələrinin vacibliyini vurğuladı. Stil, hazırda Bakıda keçirilən UNFCCC-nin 29-cu sessiyasından əvvəlki çıxışında aparılan danışıqların həlledici əhəmiyyətə malik olduğunu bildirdi.
-
Azərbaycan Dövlət Neft Şirkəti (SOCAR) Bolqarıstanın qaz paylanması sektorundakı mövqeyini gücləndirir və 2024-cü ilin sonuna qədər bazarın 7,5%-ni ələ keçirməyi planlaşdırır. Hazırda SOCAR Bolqarıstanın təbii qaz ehtiyacının yarısını təmin edir və strateji tərəfdaşlıqlar və paylanma genişləndirməsi vasitəsilə bazardakı payını daha da artırmağı hədəfləyir.
Rəy yaz