«Buta Airways» Bakıdan başqa xarici loukosterlərin uçduğu istiqamətlərdən imtina edəcək

«Buta Airways» aşağı büdcəli aviadaşıyıcısının yaradılması onun məqsəd və vəzifələri, AZAL-ın sonrakı siyasəti barədə diskussiyalara səbəb olub.   

Qeyd edək ki, «Buta Airways»in yaradılması barədə qərar AZAL-ın İdarə Heyətinin iclasında qəbul edilib. Yeni büdcə aviaşirkəti AZAL-ın 100 faizlik törəmə şirkəti olacaq.

Turan-ın AZALJET ticari markası ilə  aşağı büdcəli uçuşlar həyata keçirildiy halda yeni aviaşirkətin yaradılması zərurəti ilə bağlı sualına cavab olaraq AZAL-da bildiriblər ki, AZALJET aşağı büdcəli brenddir, «Buta Airways» ayrıca aviaşirkətdir, öz işçiləri, donanması, tarif siyasəti olacaq. «Buta Airways»in büdcəsi satılan avibiletlər, baqaj və başqa xidmətlərdən gəlirdən formalaşacaq.

«Belə praktika dünyanın bir çox iri aviaşirkətlərində var. Məsələn, AnadoluJET Turkish Airlinesin törəməsidir, flyDubai və Emiratesin ümumi təsisçisi var, Rusiyanın «Pobeda» loukosteri 100% “Aeroflot”a məxsusdur”.

Qeyd edək ki, 2016-cı ilin mayından AZALJET brendi ilə 13 istiqamətə reyslər həyata keçirilir. Ekspert Natiq Cəfərli qeyd edib ki, AZALJETdə biletlər nisbətən ucuz olsa da, baqajın qiyməti bahadır.

«Bu səbəbdən AZAL və  AZALJET-də qiymətlər ciddi fərqlnmir», deyə o bildirib. 

N. Cəfərlinin fikrincə, «Buta Airways»in yaradılmasında məqsəd  xarici loukosterlərin ölkədə geniş iştirakının qarşısını almaqdaır.

«Əgər belədirsə, rəqabət və ciddi qiymət düşməsi olmayacaq», deyə o düşünür. 

AZAL-da bununla bağlı deyiblər ki, ölkəmizə uçan xarici loukosterlərin sayı artır və beşə çatıb.

««Buta Airways»də cəmi 7 Embraer təyyarəsi olacaq, ilkin mərhələdə aviaşirkət xarici loukosterlərin uçduğu istiqamətlərə uçmayacaq», deyə AZAL-da bildiriblər.  71D