Əmlka Məsələləri Dövlət Komitəsi ixtisaslaşdırılmış pul hərracları üçün elektron platforma təşkil edəcək. Bu yolda ilk addım atılıb: proqram təminatı hazırlayacaq şirkət seçilib.
Satınlamalar üzrə Dövlət Agentliyinin məlumatına görə, ƏMDK “MinA” şirkətini seçib. Müqavilə qiyməti 9558 manatdır.
Turan İA bu mexanizmin tətbiq müddəti barədə suala cavab ala bilməyib. ƏMDK-nin mətbuat xidməti və “qaynar xətt” telefonu susur.
İxtisaslaşdırılmış pul hərracları 31 dekabr 2010-cu ildə çek hərracları başa çatandan sonra başlayıb. 3 ilə 7 hərrac keçirilib. Onlarda 10 SC-nin səhmlərinin 70%-i satılıb. Sonuncu dəfə belə hərrac 2013-cü ilin avqustunda keçirilib.
İxtisaslaşdırılmış pul hərraclarının iştirakçıları bildirir ki, ƏMDK yanında Hərracların Təşkili Mərkəzində onlara səhm almaq üzrə pul vəsaitləri qoymaqda qanunsuz məhdudiyyətlər var. Hərraclar 5 gün çəkir. Pul nağd ödənilməlidir.
Hazırda ƏMDK dövlət əmlakına keçən daşınan və daşınmaz əmlakın satışında elektron platformadan istifadə edir.
ƏMDK özəlləşdirilən obyektlərin səhmlərinin 30%-45%-nin, eləcə də dövlət müəssisəsi və obyektlərinin, avtonəqliyyat vasitələrinin, yarımçıq tikili və qeyri-yaşayış sahələrinin özəlləşdirilməsi üzrə hərraclar keçirir. ƏMDK-nin bu hərracların sivil qaydada keçirilməsi üzrə planı yoxdur. 08B
İqtisadiyyat
-
Azərbaycanın Nazirlər Kabineti 27 aprel 2023-cü il tarixli, 136 nömrəli Qərarla təsdiq edilmiş ölkənin istehlak bazarında strateji əhəmiyyətli malların siyahısına dəyişiklikləri təsdiqləyib. Yenilənmə, Dövlət Ehtiyatları haqqında Qanunun və müvafiq prezident fərmanının tətbiqi ilə əlaqədar həyata keçirilib, hökumət cümə axşamı elan edib.
-
Azərbaycan və Latviya işgüzar dairələrinin nümayəndələri Bakıdakı "Azərbaycan-Latviya İnformasiya və Şəbəkə Görüşü" çərçivəsində bir araya gəliblər. Tədbir, iki ölkə arasında iqtisadi əməkdaşlığın gücləndirilməsinə doğru atılan mühüm addım kimi qiymətləndirilir. Latviyanın Azərbaycandakı səfiri Edgars Skuya tədbirin hər iki ölkənin sahibkarlarını birləşdirmək, müxtəlif sahələrdə əməkdaşlığı artırmaq məqsədini daşıdığını vurğulayıb.
-
Noyabrın 7-də Azərbaycan Prezidenti Milli Məclis tərəfindən “Kredit büroları haqqında” Azərbaycan Respublikasının Qanununa edilən dəyişiklikləri təsdiqləyib. Dəyişikliklər haqqında qanunun mətni noyabrın 28-də dərc olunub.
-
Avropa Yenidənqurma və İnkişaf Bankı (EBRD) Azərbaycana dair 2024-2025-ci illər üçün keçid hesabatını təqdim edib və ölkəni iqtisadi idarəetməni yaxşılaşdırmaq və özəl sektorun inkişafına təkan vermək üçün cəsarətli addımlar atmağa çağırıb. Hesabatda Azərbaycanın iqtisadi inkişafı üçün əsas prioritetlər müəyyən edilib və enerji bazarlarının dəyişkənliyinə olan asılılığından irəli gələn problemlər vurğulanıb.
Rəy yaz