Əmlak vergisi renta ilə əvəzlənib

Fiziki şəxslər üçün əmlak və torpaq vergisi forması dəyişdirilib. Əgər əvvəl vergi əmlakın inventar qiymətinə (mənzilin qiymətinin 0,1%-i) bağlı idisə, indi sahədən asılı olaraq renta ödəniləcək.

Dövlət başçısının Vergilər Məcəlləsinə düzəlişi təsdiq edib və o, 1 yanvar 2015-ci ildən qüvvəyə minir. Mənzil və torpaq sahəsi üçün müxtəlif sxemlər qoyulub. Əmlak vergisi 30 m² -dən çox mənzil sahəsindən tutulacaq. Bakıda minimumdan artıq 1 m²  üçün dərəcə 40 qəpik, Gəncə, Sumqayıt və Abşeronda 30 qəpik, qalan şəhər və rayonlarda 20 qəpik, qəsəbə və kəndlərdə 10 qəpik olacaq.

Paytaxtda əhalinin sıxlığı və daşınmaz əmlak sahiblərinin təminatı nəzərə alınmaqla səlahiyyətli orqan əlavə əmsal tətbiq edə bilər: 0,7-dən 1-ə qədər və 1-dən 1,5-ə qədər. Yanvarın 1-dən mənzil vergisini bələdiyyələr yığacaq.

Torpaq vergisində dərəcə 100 m² sahəyə bağlıdır. Paytaxtda 1 ha-dan az sahənin hər sotuna 60 qəpik ödəniləcək. Hektardan çox olanda hər sota 1,2 manat ödəniləcək. Gəncə, Sumqayıt və Abşeronda dərəcə 50 qəpik və 1 manat, başqa  şəhər və rayonlarda 30 və 60 qəpik, qəsəbə və kəndlərdə 10 və 20 qəpik olacaq.

Kommersiya torpaqlarının 1 hektarı sahibkara 10 manata, hektardan çoxu 20 manata, Gəncə, Sumqayıt və Abşeronda 8 və 16 manata, başqa  şəhər və rayonlarda 4 və 8 manata, qəsəbə və kəndlərdə 2 və 4 manata başa gələcək. --17D—