Ən qapalı bank da bazarda qalacaq

«Evrobank» ASC 39 mln manat məbləğində istiqraz buraxacaq.

Qiymətli Kağızlar üzrə Dövlət Komitəsinin məlumatında deyilir ki, qeydiyyat 15 yanvar 2015-ci il tarixdə olub.

Emissiya hər birinin nominal dəyəri 500 manat olan 78 000 ədəd istiqrazdan ibarətdir. Uzun müddən bank vəsait cəlb edə bilmirdi. Bir müddət əvvəl bankın baş mühasibi Həsən Bayramov mətbuata bildirmişdi ki, “Evrobank” ASC yaxın vaxtlarda mövcud səhmdarları sırasına yeni investor cəlb etmək niyyətindədir. «Əsas məqsəd Mərkəzi Bankın  ölkədəki kommersiya banklarının məcmu kapitalına qarşı irəli sürdüyü minimal tələbin yerinə yetirilməsidir.

Bəzi KİV-də bankın satışa çıxarılması ilə bağlı yayılan xəbərlər həqiqətəuyğun deyil: “Bankın satışa çıxarılması xəbəri yanlışdır. Sadəcə olaraq, “Evrobank” kapital tələbini ödəmək üçün əlavə səhmdar cəlb edir”. Baş mühasibin sözlərinə görə, yeni səhmdar rolunda Azərbaycanın iri holdinqlərindən biri çıxış edəcək və həmin səhmdar bankın nizamnamə kapitalında 50%-dən çox iştirak payı (nəzarət səhm paketi) təklif olunub. Beləliklə, səhmdarların tərkibində dəyişiklik olacaq –12 fiziki şəxs əvəzinə 6 fiziki və 1 hüquqi şəxs olacaq », - deyə baş mühasib bildirib.

Evrobank  1992-ci ildən fəaliyyət göstərir. Hazırda nizamnamə kapitalı 11 mln manatdır. --17D—