Sentyabrın 28-də Bakıda kənd təsərrüfatı naziri Heydər Əsədovun Birləşmiş Ərəb Əmirliklərinin MBM şirkətlər qrupu nümayəndə heyətilə görüşündə ölkənin aqrar sektorunda əlavə investisiyalar tələb edən sahələr və onların yatırılması yolları müzakirə edilib.
Azərbaycan tərəfi ərəb investorlara aqroparkların, Azərbaycanda yetişdirilən kənd təsərrüfatı məhsullarının, eləcə də quş əti və yumurta, konservləşdirilmiş meyvə və tərəvəzin BƏƏ və digər ərəb ölkələrinə ixracı üçün logistik bazanın yaradılmasında iştirakı təklif edib.
MBM şirkətlər qrupunun korporativ məsələlər üzrə direktoru Federiko Karvelli qeyd edib ki, onun şirkəti Azərbaycanla əməkdaşlıqda, aqrar sektor infrastrukturuna və aqroparkların yaradılmasına investisiya qoyuluşunda maraqlıdır.
Dövlət Gömrük Komitəsinin məlumatına görə, 2016-cı ilin 6 ayı ərzində Azərbaycan BƏƏ-yə ümumi məbləği 600 min ABŞ dolları həcmində 22 ton süd və qaymaq, 2,7 ton kərə yağı, 1,7 ton pendir, 20,6 ton pomidor, 8,66 ton göbələk, 44 ton fındıq, 80 ton meyvə şirəsi s. kənd təsərrüfatı məhsulları ixrac edib. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz