Ərzaq idxalından asılılıq yüksəkdir

Dövlətstatkom 2013-cü il üçün ərzaq balansı barədə statistik hesabatı açıqlayıb. Ona əsasən, bir sıra kənd təsərrüfatı və sənaye qida məhsulları üzrə özünütəminat səviyyəsi aşağıdır.

Məcmuə beş bölmədən ibarətdir. bitkiçilik məhsulları, heyvandarlıq məhsulları, sənaye mənşəli ərzaq məhsullarının ehtiyatları, özünütəminetmə, idxaldan asılılıq səviyyəsi və s. Məlumatlar 2007-2013-cü illəri əhatə edir.

2013-cü ildə buğda balansı 4 mln 364,8 min ton olub. Bu, 2012-ci ildəkindən 9,5% çoxdur. Buğda istehsalı (1 846 min ton) idaxlından 395 min ton çoxdur. Ərzaq istehsalı üçün 2 mln ton buğdadan istifadə edilib (ötən illə müqayisədə + 79). Buğda itkisi yüksəkdir – 271 min ton Buğda idxalından asılılıq 2013-cü ildə 0,8% artaraq 44% olub.

Mal əti ilə özünütəminat 2013-cü ildə azalaraq 86,5% (mənfi 6,5%) olub. İstehlak isə 140 min ton təşkil edib. Quş əti istehsalı artır: 2007-ci ildə tələbatın 30%-i idxal hesabına təmin edilib. 2013-cü ildə (100 min ton) bu göstərici 3,8%-ə düşüb.

Statistikaya inansaq, 2007-ci illə müqayisədə süd və süd məhsulları istehlakı 792 min ton artaraq 2013-cü ildə 2 mln 548 min ton olub. Bunun 76,2%-i yerli istehsal hesabına təmin edilib. Bu, 2012-ci ildəkindən 3,4% çoxdur. --08B—