2012-ci ilin I yarısında “Azəri-Çıraq-Günəşli” kontrakt meydançasında orta sutkalıq hasilat 684 min barrel olub. Bu, ötən ilin eyni dövründəkindən 91,7 min barrel azdır. Bu barədə BP-Azerbaijan (“Azəri-Çıraq-Günəşli”nin operatoru) şirkətinin yarım illik hesabatında bildirilir.
Bu müddətdə kontrakt meydançasında 124,5 mln barrel və ya 16,8 mln ton neft çıxarılıb. Ötən ilin eyni dövründə bu həcm 140,4 mln barrel və ya 19 mln ton idi.
Hazırda konsorsium AÇG-də hasilatı dənizin dərinliyinin 120-160 metr olduğu 5 stasionar platformadan həyata keçirir. I yarımildə ən məhsuldar platforma "Qərbi Azəri" olub. Orada 13 istismar quyusunda sutkada 186 min barrel neft çıxarılıb.
Xatırladaq ki, 2010-cu ilin ilk 6 ayında "Əsrin müqaviləsi" çərçivəsində sutkada 827,6 min barrel neft çıxarılıb. --12В—
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz