Fazil Mustafa: "Dövlət özünə lazımsız problemlər yaradır"

Kiçik və orta sahibkarlara qarşı güc mövqeyindən davranan dövlət özünə lazımsız problemlər yaradır, bu barədə Milli Məclisin bugünki iclasında "Böyük quruluş" partiyasının sədri Fazil Mustafa bildirib.

Onun sözlərinə görə, metro stansiyalarında, "tolkuçkalarda" minlərlə ticarətçi biznesə icarə, təmir, məmur aparatının saxlanması üçün qaranlıq ödənişlərlə başlayır. İllərlə onlar mülkiyyətçi olmadıqları üçün boşa pul xərcləyir, nəticədə əliboş qalırlar.

O, xüsusi sahibkarlarla münaqişənin həllini hüquqi axına yönəldərək, özbaşınalığa son qoymağı təklif edib. "Qüvvədə olan qanunvericilik var, prosedur normaları müəyyən edilib. Sahibkarları qazancdan məhrum edən dövlət işsizlər cərgələrini doldurur, sonra özü sosial yardım ödəmək məcburiyyətində qalacaq. Güc nümayişi yerinə ticarətçilərin təşəbbüsünü dəstəkləmək və ümumiyyətlə, təkcə sahibkarların deyil, köçürülən ev sahiblərinin də hüquqlarına hörmət etmək lazımdır", deyə deputat bildirib.

Onun sözlərinə görə, hüquqi nihilizm təxmin edilməyən nəticələrə məhkumdur. -17D-