"FinansLizinq" ASC-nin 74 min manatlıq səhmləri Bakı Fond Birjasında yerləşdirilib.
Nominalı 1 min manat olan 74 min adi sənədsiz adlı səhmin emissiyası bu ayın əvvəlində qeydiyyata alınıb. Birjanın məlumatına görə, bütün səhmlər iki əqd çərçivəsində (iki investor) satılıb. Maraqlıdır ki, bir gün əvvəl təkrar bazarda bu şirkətin 54 min və 53 min manatlıq səhmlərinin alqı-satqısı üzrə iki əqd olub. Anderrayter xidmətini "Texnika Kapital Menecment” MMC göstərəcək. Hazırda emissiyanın 100%-i yerləşdirilib. Beləliklə, ödənilmiş nizamnamə fondu 1 mln manata çatıb.
FinansLizinq 2007-ci ildən fəaliyyət göstərir. Səhmdarları 16 fiziki şəxsdir. --15B--
İqtisadiyyat
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
Rəy yaz