TuranBank on bir aya yekun vurub

2013-cü ilin dekabr ayının 1-ə TuranBankın aktivləri 2012-ci ilin analoji dövrü ilə müqayisədə 16,59%, ilin əvvəli ilə müqayisədə isə 11,86% artaraq 242,823 mln manat təşkil edib. Hesabat tarixinə bankın kredit portfelinin qalığı 2013-cü ilin əvvəli ilə müqayisədə 12,78%, 2012-ci ilin analoji dövrü ilə müqayisədə isə 14,63% artaraq 181,893 mln. manata çatıb. 

Yanvar-noyabrda Bankın  müştəri hesabları və depozit portfeli 109,3 mln manat təşkil edib. Depozit portfelinin strukturunda fiziki şəxslərin müddətli əmanətləri  2012-ci ilin analoji dövrü ilə müqayisədə 32,2% artaraq 57,884 mln manat olub. 

1 dekabr 2013-cü il tarixinə Bankın nizamnamə kapitalı 40 mln manat təşkil edib. Bu, ilin əvvəli ilə müqayisədə 33,34% çoxdur. Bankın məcmu kapitalı ilin əvvəli ilə müqayisədə 43,61%, ötən ilin analoji dövrü ilə müqayisədə isə 33% artaraq 45,769 mln manat təşkil edib. 

Bankın nizamnamə kapitalının strukturu ümumilikdə 27 səhmdar olmaqla 5 hüquqi (23,84%) və 22 fiziki şəxsdən (76,16%) ibarətdir. 

2013-cü ilin yanvar-noyabr aylarında Bankın gəlirləri 25,110 mln manat, xərcləri isə 20,234 mln. manat təşkil edib. Hesabat dövrü ərzində balans mənfəəti  4,876 mln manata çatıb.—15D--