"FinansLizinq" ASC-nin 200 min manatlıq səhmləri Bakı Fond Birjasında yerləşdirilib.
Nominalı 1 min manat olan 200 adi sənədsiz adlı səhmin emissiyası ötən ilin dekabrında qeydiyyata alınıb. Birjanın məlumatına görə, bütün səhmlər bir əqd çərçivəsində (bir investor) satılıb. Anderrayter “Texnika Kapital Menecment " MMC-dir. Bu günə elan edilən emissiyanın 100%-i yerləşdirilib. Beləliklə, ödənilmiş nizamnamə fondu 1,2 mln manata çatıb.
Həmin ay şirkətin 74 min manatlıq səhm emissiyası prospekti qeydiyyata alınıb. O vaxt səhmlər iki əqdlə yerləşdirilib. Halbuki səhmdarları 16 fiziki şəxsdir. Buna bir gün qalmış təkrar bazarda şirkətin 54 min və 53 min manatlıq səhmlərinin alqı-satqısı üzrə əqdlər olub.
FinansLizinq lizinq bazarında 2007-ci ildən fəaliyyət göstərir. --15B--
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz