"Fitch" beynəlxalq reytinq agentliyi "Accessbank"ın dayanıqlılıq reytinqini “b+” səviyyəsindən “f” səviyyəsinə endirib.
Turan-ın məlumatına görə, agentlik "Accessbank" ASC-nin emitentin defoltu reytinqini "BB+" səviyyəsində təsdiq edib.
Qərarın izahında bildirilir ki, reytinqin azaldılması bankın məcburi tədbirlər tətbiqindən asılı olmasını əks etdirir. Bu, kapital yetərliliyi tənzimlənməsi qaydalarına əməl edilməməsidir və xarici kapital dəstəyi tələb edir.
Agentlik hesab edir ki, 2016-cı ilin sonunda bankın vaxtı keçmiş kreditləri 27% olub.
EDR-in «ВВ +», dəstək reytinqinin «3» səviyyəsində saxlanılması bankın xarici səhmdarlarının dəstəyi davam etdirməsi ilə bağlıdır.
"Accessbank" 2002-ci ildə Qara Dəniz Ticarət və İnkişaf Bankı, Avropa Yenidənqurma və İnkişaf Bankı, Beynəlxalq Maliyyə Korporasiyası, KfW, "LFS Financial Systems GmbH." adlı Almaniya konsaltinq şirkəti və "AccessHolding" tərəfindən yaradılıb. 71D
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz