Fitch: Bank Technique-ın kapitallaşmasının yaxşılaşması reytinqə müsbət təsir edə bilər

Fitch Ratings qeyd edir ki, yenidən kapitallaşma tədbirləri uğurla həyata keçirilsə, Bank Technique-nın reytinqi artırıla bilər. Amma bu planların həyata keçirilməsi ilə bağlı risk və onların məhdud miqyası o deməkdir ki, reytinqlərin artırılması hələ müəyyən deyil və olsa da, zəif olacaq. 

Bank Technique-nın uzunmüddətli emitentin defoltu reytinqi («EDR») «CC» və «f» davamlılıq reytinqi hazırda likvidliyin kəskin pisləşməsini və 2012-ci ilin II rübündən bankın səhmdarlarından birinin həbsi ilə bağlı (bax: "Fitch Downgrades Technikabank to 'CC'"/«Fitch “Texnikabank”ın reytinqini «CC» səviyyəsinə endirdi, 21 may 2012-ci il www.fitchratings.com və www.fitchratings.ru saytları) kapitalın azalmasını əks etdirir.

Bundan sonra Bank Technique-ın 75% paya malik nəzarətçi səhmdarı World Wines yeni menecment təyin edib. O, maliyyə göstəricilərini yaxşılaşdırmaq üçün çalışır. Əvvəla, gözlənilir ki, World Wines və Kazimir Investment Caspian Fund (10% pay) 2013-cü ilin I rübündə 16 mln manat kapital ödəyəcək. İkincisi, Bank Technique Fitch-ə məlumat verib ki, qiymətdən düşən kreditlər üzrə cəza qoyulan girov təminatının bir hissəsini satacaq, bu isə 65 mln manat xalis gəlir təmin edəcək. Bundan başqa, əgər bank öz törəmə strukturlarını (lizinq şirkəti daxil) satsa, kapitallaşma üçün 10 mln manat müsbət effekt ola bilər. 

Fitch bu planları realist sayır. Amma qeyd edir ki, bu tədbirlərdən ümumi təsir 91 mln manat olacaq. Amma bu 2012-ci ilin III rübü üçün tələb olunan 12% minimal kapitallaşma üzrə requlyativ tələb olan 112 mln manatdan xeyli azdır. Bankın menecmenti başqa banklarda iri kreditlərin təkrar maliyyələşməsi hesabına balansda levereci azaltmaq istəyir. Menecment gözləyir ki, bu tədbirlər görülsə, 2013-cü ilin I rübündə kapital yetərliliyi tələbini icra edə bilər. 

Bu tədbirlərin uğurunu qiymətləndirəndən sonra Fitch reytinqə baxmağı planlaşdırır. Bank kapitallaşmasını möhkəmləndirsə, müsbət reytinq hərəkəti mümkündür. Gecikmə və ya təkrar kapitallaşmada qeyri-müəyyənlik olsa, gələcəkdə Bank Technique-ın uzunmüddətli EDR-i «CC» səviyyəsində təsduiqlənə bilər. Bankın likvidliyi səhmdarlar və ya AMB tərəfindən omadığı üçün zəifləsə, Bank Technique öz öhdəliklərinə xidmət edə bilməsə, EDR defolt səviyyəsinə endirilə bilər.—15D--