Mətbuat-Monitorinq 23-24.12.12

Rəsmi qəzetlər səhifələrinin əksəriyyətini dövlət başçısı İlham Əliyevin anadan olmasının 51-ci ildönümü ilə bağlı yazılara həsr ediblər. 

“Azadlıq” qəzeti keçmiş rektor Elşad Abdullayevin milli təhlükəsizlik naziri Eldar Mahmudovla bağlı məqaləsini yayaıb. Məqalədə nazirin imzası ilə E. Abdullayevə göndərilən Fikrət Əliyev adlı MTN polkovnikinin ABU-ya prorektor təyin edilməsi barədə sənədin mətni yayılıb.  

Böyük Britaniya parlamentinin üzvü Helen Gudmanın “The Huffington Post” qəzetindəki məqaləsində dünya bilriyinin rəsmi Bakıya təzyiq göstərmək çağırışını qəzet “Britaniyalı deputatın hökuməti biabır etməsi” adlandırır. 

Qəzet “Azəryol” voleybol klubu inzibati binasının açılışı ilə bağlı bu günlərdəki törəni “ikinci açılış və pripiska” adlandıraraq nəqliyyat naziri Ziya Məmmədovun iştirakı ilə bu binanın bir dəfə açılışının olduğunu xatırladır.

“Demokratiya naminə incəsənət” kampaniyasına dəstəyə görə Azərbaycandakı xarici ölkə səfirlərinin PA-ya çağırılmalarını kampaniya təşkilatçıları “təzqyiqlərin olacağını bilirdik” mövqeyilə qarşılayıblar.      

Polis qüvvələri Azərbaycan İslam Partiyasının “Elit” şadlıq evində 20 illik yubileyinin rəsmi hissəini keçirməyə imkan verməyib. 

PA rəhbəri Ramiz Mehdiyevə yaxın “Paritet” qəzetinin dayanmasını qəzet “R.Mehdiyevə sarsıdıcı zərbələrin davam etməsi” adlandırır.   

Vətəndaş cəmiyyəti institutlarının təmsilçiləri “deputatlıq rüşvəti olayı”nın ciddi araşıdırlması üçün PA rəhbəri Ramiz Mehdiyevin istefa verməsini şərt sayırlar. 

“Yeni Müsavat” mənzil tikintisi adı ilə müştəriləri aldadan “Mur-Ay” tikinti şirkətinin həbsdə olan prezidentinin müstəntiqin işgəncə yolu ilə ondan nazir  Kəmaləddin Heydərova, PA-nın şöbə müdiri Zeynal Nağdəliyevə qarşı 1 milyon dollar rüşvət verməsini etiraf etdirmək istəməsilə bağlı açıqlamasını yayaıb. 

Qəzet hüquq müdafiəçilərinə istinadən bu həftə əfv fərmanı gözlənildiyi üçün siyasi məhbus siyahısının əfv komissiyasına təqdim olunduğunu bildirirlər.

Qəzet Bakıda yaşayan naxçıvanlı ziyalıların bölgədəku ictimai-siyasi duruma “Naxçıvanın repressiyalar üçün sınaq düşərgəsi olması” mövqeyini ifadə etdiklərini yazır. 

“Bakı Xəbər” Gürcüstanın baş naziri İvanişvilinin Bakı-Tbilisi-Qars dəmir yolu layihəsinə qaşı çıxmasını “Naxçıvanın blokadadan çıxmasına qarşı” olan addım kimi dəyərləndirir.