Fitch Ratings agentliyi iki Azərbaycan bankının reytinq proqnozunu «mənfi» kimi təsdiq edib
"Fitch" beynəlxalq reytinq agentliyi "Accessbank" ASC-nin kredit reytinqini "BB+" səviyyəsində, "PASHA Bank" ASC-nin kredit reytinqini "BB-" səviyyəsində təsdiq edib.
Hər iki bankın reytinq üzrə proqnozu isə "neqativ" olaraq təsdiq edilib.
Fitch həmçinin Accessbankın dayanıqlılıq reytinqinin "bb-"dan "b+"a endirib.
Agentlik "Accessbank"ın uzunmüddətli emitentin defolt reytinqinin "BB+" və "dəstək" reytinqinin "3" səviyyəsində təsdiq edilməsini əsasən Bankın beynəlxalq maliyyə institutları olan səhmdarları tərəfindən maliyyə yardımı almaq ehtimalları ilə əlaqələndirib. Avropa Yenidənqurma və İnkişaf Bankı (EBRD - AAA/stabil), KfW (AAA/stabil), Beynəlxalq Maliyyə Korporasiyası və Qara dəniz Ticarət və İnkişaf Bankının hər biri "Accessbank"da 20% paya sahibdir. Bankın səhmlərinin daha 16,5%-i "Access Microfinance Holding"ə, 3,47%-i "LFS Financial Systems GmbH."-yə məxsusdur.
Bankın dayanıqlılıq reytinqinin "bb-"dan "b+"a endirilməsi 2015-ci ildə baş verən manatın devalvasiyası nəticəsində "Accessbank"ın aktivlərinin keyfiyyətinin önəmli dərəcədə pisləşməsi ilə izah edilir.
Agentlik "PASHA Bank"ın emitentin defolt reytinqi və dəstək reytinqinin Azərbaycan hökuməti tərəfindən ehtiyac olduqda Banka ehtimal edilən dəstəklə getdikcə möhkəmləndiyini bildirir. "Fitch" bu mənada "PASHA Bank"ın sistem əhəmiyyətli bank olduğunu, törəmə qurumu - "Kapital Bank" ASC ilə bank sektorundakı depozit portfelinin 15%-nə sahib olduğunu, Azərbaycan Beynəlxalq Bankının (ABB) sanasiyası fonunda maliyyə vəziyyətinin yaxşılaşdığını, hökumətlə sıx əlaqələri səbəbindən ən azı yaxın perspektivdə ona dəstək verdiyini bildirib.
Fitch qeyd edir ki, bankın dayanıqlılıq reytinqi möhkəm kapitallaşma, kifayət qədər likvidlik və iqtisadiyyatdakı yavaşlama fonunda pisləşən aktivlərin müvəffəqiyyətlə idarə olunmasına əsaslanıb. 71D
İqtisadiyyat
-
Azərbaycanda hazırda 345 manat olan minimum əməkhaqqı ölkənin beynəlxalq öhdəliklərinə uyğun olaraq 2025-ci ilin əvvəlində artırılacaq.
-
Azərbaycan Respublikasının Nazirlər Kabineti 25 sentyabr tarixində “Azərbaycan Respublikasının Dərman Vasitələri Haqqında Qanununa Dəyişiklik Edilməsi Haqqında Qanunun” icrası çərçivəsində dərman vasitələrinin dövriyyəsini tənzimləyən qanunlara bir sıra dəyişiklikləri təsdiq edib. 2023-cü il iyulun 14-də qəbul edilmiş bu dəyişikliklər milli qanunvericiliyin beynəlxalq standartlara uyğunlaşdırılmasını və ölkədə farmasevtik məhsulların dövriyyəsinin tənzimlənməsinin gücləndirilməsini hədəfləyir.
-
Azərbaycanın Rəqəmsal İnkişaf və Nəqliyyat Nazirliyi, mülki aviasiya fəaliyyətlərinin təhlükəsizliyini və səmərəliliyini artırmaq məqsədi ilə “Uçuş Əməliyyatlarına Hazırlıq Qaydası” adlı yeni qaydaları təsdiq edib. 3-27/3-7-16/2024 nömrəli qərar, 12 sentyabr 2024-cü ildə nazirliyin kollegiyası tərəfindən “Aviasiya haqqında” 22 dekabr 2023-cü il tarixli qanuna uyğun olaraq qəbul olunub.
-
Azərbaycan Respublikası Rəqəmsal İnkişaf və Nəqliyyat Nazirlərliyi, ölkənin mülki aviasiya sektorunun təhlükəsizliyini və etibarlılığını təmin etmək məqsədilə genişmiqyaslı hava uyğunluğu qaydalarını təsdiqlədi.
Rəy yaz