Yunanıstan hökumətinin покупки SOCAR-ın DESFA-da pay alması məsələsində mövqeyi qəbuledilməzdir – səfir

Bakı/07.09.16/Turаn: SOCAR şirkətinin Yunanıstanın DESFA şirkətinin özəlləşdirilməsində iştirakındakı uğursuzluq Azərbaycanla Yunaıstanın münasibətlərini  korlaya bilər, deyə Azərbaycanın Afinadakı səfiri Rəhman Mustafayev bildirib.

«Bizim DESFA-nın özəlləşdirilməsini başa çatdırmaq və  Azərbaycanla Yunaıstanın münasibətlərini möhkəmləndirmək imkanımız var. Əgər həll yolu tapılmasa, bu, iki ölkənin iqtisadi münasibətlərinə zərbə vuracaq. Buna yol verməməliyik deyə", - diplomat To Vima nəşrinə müsahibəsində bildirib.

O, Yunanıstanın DESFA-nın özəlləşdirilməsi məsələsində qərarını «qəbuledilməz» adlandırıb. Çünki qəbul edilən düzəlişlər prosesi çətinləşdirib. «Bu qərar SOCAR-la müzakirə edilməyib. SOCAR belə münasibətlə heç bir ölkədə üzləşməyib", - deyə Mustafayev bildirib.

O deyib ki, DESFA-nın özəlləşdirilməsi şərtləri xeyli dəyişdirilsə də, Azərbaycan onun tezliklə başa çatmasında maraqlıdır.

«DESFA-nın qiyməti düşüb, risklər artıb, ona görə Yunanıstan tərəfi dəyən zinanın ödənilməsi üçün konkret addımlar atmalıdır», - deyə o bildirib.

«Dövlət dəstəyi olan yerdə SOCAR çox şeyə nail ola bilər. Gürcüstan təcrübəsinə baxın. 7 ildə bu ölkədə abunəçilərimizin sayı 600 mindən 970 minə artıb və ölkənin əsas vergi ödəyicisinə çevrilmişik. Bu modeli Yunanıstanda tətbiq etmək olar", - deyə o bildirib.

Əvvəllər SOCAR prezidenti Rövnəq Abdullayev demişdi ki, Yunanıstan tərəfi tender prosedurunu pozan addımlar atıb. İlkin qəbul edilən şərtlər pozulub və SOCAR bu hərəkətlərin əsaslandırılmasını gözləyir.

«Dəyişən şəraitdə DESFA-nın obyektiv gəlirliliyi azalıb, demək, şirkətin ilkin qiyməti də azalıb», - deyə Rövnəq Abdullayev bildirib.

O deyib ki, SOCAR bu əqdin başa çatdırılmasını istəyir.

SOCAR DESFA-dan əldə etdiyi səhmlərin 66%-dən 17%-nin üçüncü tərəfə satışı üzrə sövdələşməni 2016-cı ilin sonunadək başa çatdırmağa ümid edirdi. Bu sövdələşmənin Avropa antiinhisar orqanları tərəfindən qəbul edilməsi üçün şirkət əldə etdiyi 66% səhmin 17%-ni üçüncü tərəfə satmağa razılıq vermişdi.

Xəbər verildiyi kimi, Yunanıstanın Dövlət Əmlakının İdarə Edilməsi Fondu (Hellenic Republic Asset Development Fund, HRADF) yalnız iki namizəddən - İtaliyanın “Snam” şirkəti və “Fluxys-Enagas” şirkətlər alyansından DESFA-nın səhmlərinin 17%-nin alınmasına dair rəsmi təklif alıb. “Fluxys” 8%, “Enages” 9% pay sahibi olmaq istəyir.

Lakin Yunanıstan KİV-ləri bu ilin mart ayında “Fluxys”, “Enages” və “Snam” şirkətlərinin DESFA-da səhmlərin 17%-ni almaqdan imtina etməsi barədə məlumat yayıblar.

2013-cü il iyulun 31-də HRADF DESFA qazpaylayıcı şirkətinin 66%-lik səhm paketinin Azərbaycan Dövlət Neft Şirkəti tərəfindən 400 mln. avroya alınmasına dair sövdələşməni təqdir edib. 2013-cü ilin dekabr ayında ARDNŞ ilə Yunanıstanın Dövlət Özəlləşdirmə Fondu və “Petroleum” şirkəti arasında “Səhmlərin Alqı-Satqı Müqaviləsi” və “Səhmdarlar haqqında Müqavilə” imzalanıb

Yunanıstanın qanunvericiliyinə və Avropa Birliyinin energetika üzrə üçüncü direktivinə müvafiq olaraq Avropa Komissiyası bu sövdələşmə üzrə son bəyənilmə qərarı verməlidir.

2014-cü ilin noyabr ayında Avropa Komissiyası Yunanıstanın DESFA qaz nəqli sistemi operatorunun səhmlərinin 66%-nin SOCAR tərəfindən alınmasına dair sövdələşmənin Avropa İttifaqının reqlamentinə uyğunluğunu qiymətləndirmək üçün araşdırmalara başlayıb–0—