Fitch Ratings: Azərbaycan dövlət aktivlərini fəal şəkildə xərcləyəcək

Fitch Ratings Beynəlxalq Reytinq Agentliyi Azərbaycanın xarici və milli valyutada uzunmüddətli emitent defoltu reytinqini “Stabil” proqnozu ilə "BBB" səviyyəsində təqdiqləyib.

Agentlik qeyd edir ki, Azərbaycanın stabil reytinqi dövlət borcunun aşağı səviyyəsini və 2006-cı ildən neftin qiymətinin yüksək olduğu dövrdə toplanan gəlirlərin, xalis xarici aktivlərin böyük ehtiyatını əks etdirir.

Eyni zamanda neft və qazdan yüksək asılılıq zəif tərəf sayılır, çünki karbohidrogenlər ixraxın 95%-ni, büdcə gəlirlərinin 40%-ni və Azərbaycan ÜDM-in 40%-ni təşkil edir.

Neftin qiymətinin uzun müddət aşağı olması, həmçinin xərclərin azalmasından imtina dövlət aktivlərinin fəal xərclənməsinə gətirib çıxaracaq.

Fitch-in proqnozuna görə, 2015-ci ildə Azərbaycanda istehlak kreditləri 5,5% artacaq.

Manatın devalvasiyası dollarlaşmanın kəskin artmasına səbəb olub. Belə ki, xarici valyutada depozitlərin payı mayda 73%-ə çatıb.

Agentlik hesab edir ki, bank sektorunun kiçik həcmi hökumətə ona lazımi dəstək göstərməyə imkan verəcək. İyulda hökumət problemli aktivlərdən azad olmaq və Azərbaycan Beynəlxalq Bankını (bank sektorunun 35%-i onun payına düşür) özəlləşdirmək niyyətini bəyan etmişdi. Bu məqsədlə hökumət   100 milyon manat ayıracaq.–06D-