Fitch Ratings beynəlxalq reytinq agentliyi "Expressbank" ASC-yə "B" səviyyəsində uzunmüddətli emitentin defoltu reytinqi verib.
Reytinq proqnozu "sabit"dir. 2014-cü il I rübün sonunda kredit portfelinin 44%-i bankın əlaqədar şirkətlərinə, 9%-i “Azərenerji”nin törəmə şirkətlərinə verilib. Onların çoxu birbaşa və ya dolayı dövlət müqaviləsi ilə işləyir. "Azərenerji" kimi mühüm faizsiz vəsaitə malikdir (müştəri hesablarının 34%-i). Onlar formal təminat deyil, qaytarılması imkanı var.
Müştəri depozitləri fondlanmanın əsasını (passivlərin 88%-i) təşkil edir, hərçənd iri depozitlər əlaqədar şirkətlərə və “Azərenerji”nin törəmə şirkətlərinə aiddir. Fitch-ə görə, likvidlik riski aradan qaldırmaq üçün ehtiyatlar çoxdur, onlar müştəri fondlanmasının 41%-i ödəyə bilər. Bank aktivlərinə görə Azərbaycanda 21-cidir.
Agentlik ekspertlərinə görə, Expressbankın reytinqi üçüncü tərəflərlə bazar mövqeyinin möhkəmlənməsi, aktivlərin və mənfəətin məqbul keyfiyyəti təqdirində artırıla bilər. Uzunmüddətli EDR "5" reytinq dəstəyi onun ölkə iqtisadiyyatı üçün az əhəmiyyətli olduğunu əks etdirir. "Bankın özəl səhmdarlarından dəstək mümkündür, amma onun qiymətləndirilməsi çətindir. Fitch yaxın gələcəkdə bankın uzunmüddətli EDR və dəstək reytinqinə yenidən baxmağı düşünmür", - deyə məlumatda bildirilir.
«Expressbank» 1989-cu ildə yaradılıb. Əsas səhmdarları «ADOR» (42%) və «İnterenerji» (40%) dövlət başçısının ailə üzvlərinin ünvanında qeydiyyatdadır. --17D—
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz