Vergilər Nazirliyi iyulda vergi qanunvericiliyini pozan 4 724 vergi ödəyicisi aşkarlayıb.
Qurumun press-relizində deyilir ki, 695 vergi ödəyicisi tərəfindən qanunla nəzərdə tutulmayan valyutanın ödəniş vasitəsi kimi qəbul olunduğu, valyutanın ticarət, iaşə və xidmət müəssisələrində qanunsuz olaraq alınıb-satıldığı və ya dəyişdirildiyi, 215 vergi ödəyicisinin vergi orqanlarında uçota durmadan fəaliyyət göstərdiyi, 656 vergi ödəyicisinin xüsusi razılıq (lisenziya) tələb olunan fəaliyyət növləri ilə belə razılıq (lisenziya) almadan məşğul olduğu müəyyən edilib.
Həmçinin 31 vergi ödəyicisinin 45 nəfər fiziki şəxsi əmək müqaviləsi bağlamadan işə cəlb etdiyi, 250 vergi ödəyicisinin fərqlənmə nişanı olmadan avtomobil nəqliyyatı ilə sərnişin daşıdığı aşkarlanıb.
32 vergi ödəyicisində aksiz markaları ilə müvafiq qaydada markalanmamış 322 ədəd mal olduğu müəyyən edilib.
TURAN agentliyi hər ay vergi müfəttişliyinin qanunvericiliyi pozanları cəzalandırması barədə hesabatlarından yazır. Təəssüf ki, nə pozuntular azalır, nə də qanunu pozanların sayı. --17D—
İqtisadiyyat
-
Dövlət Statistika Komitəsinin açıqladığı məlumatlara görə, Azərbaycanın kənd təsərrüfatı sektoru 2024-cü ilin ilk səkkiz ayında istehsal artımı əldə edib. Kənd təsərrüfatı istehsalının ümumi həcmi 8.723 milyard manata çatmışdır ki, bu da keçən ilin eyni dövrünə nisbətən 0.8% çoxdur. Lakin bu artım, daxili kənd təsərrüfatını dəstəkləmək məqsədilə verilən əhəmiyyətli dövlət subsidiyalarına baxmayaraq, artan qida idxalı fonunda baş verir.
-
Azərbaycan bu ilin ilk səkkiz ayında güclü fiskal göstəriciləri açıqlayaraq, ölkənin qlobal qeyri-müəyyənliklər fonunda iqtisadi dayanıqlılığını vurğulayan dövlət büdcəsində pifit əldə etdiyini bildirdi. Maliyyə Nazirliyinin yayımladığı əməliyyat məlumatlarına görə, 2024-cü ilin yanvar-avqust ayları arasında dövlət büdcəsinin gəlirləri 25 milyard 223.4 milyon manata çatmış, xərclər isə 22 milyard 362.4 milyon manat olmuşdur.
-
Azərbaycan enerji balansını müxtəlifləşdirmədə əhəmiyyətli irəliləyişlər əldə edib və ölkənin elektrik enerjisi istehsalında bərpa olunan mənbələr getdikcə daha vacib rol oynayır. Yanvar-avqust 2024 üçün əməliyyat məlumatları göstərir ki, ümumi elektrik enerjisi istehsalı 19,235.4 milyon kilovat-saatə (kWh) çatmışdır ki, bu da daha yaşıl enerjiyə aydın bir yönəlməni göstərir.
-
Baş nazirin müavini Şahin Mustafayev və Rusiyanın kənd təsərrüfatı naziri Oksana Lutun sentyabrın 13-də Bakıda keçirilən zirvə görüşü zamanı vurğuladığı kimi, Azərbaycan və Rusiya arasında ikitərəfli əlaqələr, xüsusilə kənd təsərrüfatı sahəsində sürətlə inkişaf edir.
Rəy yaz