Fond birjası kross əqdlərin bağlanmasını sürətləndirmək qərarına gəlib
Bakı Fond Birjası 29 oktyabr 2012-ci ildə qəbul edilən kross əqdlərin bağlanması qaydalarına dəyişiklik edib. Fevralın 10-dan başqa brokerlərdən kross sifarişlərin alınması üçün gözləmə müddəti iki dəfə artırılır.
Qaydalar birjada 1 fevral 2013-cü ildən tətbi edilib. Amma praktikada BFB kross əqdlər üzrə ədalətli qiymət formalaşdıra bilməyib. Birjanın hər gün açıqladığı səhmlər üzrə alqı-satqı məlumatı göstərir ki, onlar əvvəlkitək nominal qiymətinə satılır. Başqa sözlə, brokerlər eyni zamanda birja platforması vasitəsilə satıcının və alıcının təmsilçisi rolunda çıxış edən həmkarlarının sifarişlərini “sezmirlər”. 30 dəqiqə gözləmə müddəti altmış dəqiqəyə artırılandan sonra vəziyyət dəyişəcəkmi? – bunu zaman göstərəcək, deyə fond bazarının mütəxəssisləri bildirir.
Ünvanlı əqdlərə «müvəqqəti dəhliz» verilməsində məqsəd rəqabət sifarişləri götürməklə təkrar bazarda ədalətli qiymət formalaşdırmaq, şəffaflığı artırmaq, investorların hüquqlarını qoruumaqdır. BFB-də əqdlərin demək olar ki, 100%-i kross əqdlərdir və onların qiyməti dəyişmir.
Bu yaxınlarda birjada informasiya lövhəsi qoyulub və orda qiymətli kağızlar haqda məlumat verilir. İnvestorların səhmlərin real qiyməti barədə başqa məlumat mənbəyi yoxdur.
Qiymətli kağızlara ədalətli qiymətlərin formalaşması "2011-2020-ci illərdə Azərbaycanda qiymətli kağızlar bazarının inkişafı üzrə Dövlət Proqramı"nda nəzərdə tutulub. Bir çox hallarda səhmlərin faktiki qiyməti birja qiymətindən bir neçə dəfə yüksək olur. Bəzən isə real qiymət nominaldan ucuz olur. Amma brokerlər bu əqdləri minimum müəyyn edilən nominal üzrə sənədləşdirir. 08D
-
- İqtisadiyyat
- 6 Fevral 2015 12:29
-
- İqtisadiyyat
- 6 Fevral 2015 12:40
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz