“Gəncəbank” ASC-nin lisenziyası ləğv edilib. Azərbaycan Mərkəzi Bankın məlumatına görə, banka müvəqqəti inzibatçı təyin olunub.
“Qərar bank tərəfindən məcmu kapitalın minimum məbləği tələbinə əməl olunmaması, kreditorları qarşısında öhdəliklərini icra edə bilməməsi, cari fəaliyyətini etibarlı və prudensial qaydada idarə etməməsinə görə qəbul edilib”, - deyə məlumatda qeyd olunur.
Bir həftə əvvəl isə Bank of Azerbaijan ASC-nin lisenziyası ləğv edilmişdi. AMB əmanətçiləri sakitliyə dəvət edir. Bildirir ki, “Gəncəbank” ASC-də Əmanətlərin Sığortalanması Fondu tərəfindən əhalinin qorunan əmanətləri üzrə qanunvericiliyə müvafiq olaraq kompensasiyaların ödənişi həyata keçiriləcək.
Xatırladaq ki, AMB sədri Elma Rüstəmov 5-7 bankın lisenziyasının ləğvi və onların birləşməsi zərurətindən danışmışdı.
“Gəncəbank” ASC 1994-cü ildə yaradılıb. Hazırda bankın səhmdarları 4 nəfər, MŞ sədri Pərvan Novruzov, İH sədri Elnur Həmidovdur. Qeyri-rəsmi məlumata görə, bank «Azərbaycan Dəmir Yolları» QSC-nin sədri Cavid Qurbanova məxsusdur. --17D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz