AŞPA antierməni sənədləri qəbul edəcəkmi?

Bu gün Strasburqda Avropa Şurası Parlament Assambleyasının qıs sessiyası açılır.

Yanvarın 26-da sessiya iştirakçıları iki məruzəni müzakirə edəcəklər: britaniyalı Robert Uolterin “Dağlıq Qarabağda və işğal edilmiş digər ərazilərdə zorakılığın eskalasiyası” və Bosniya və Hersoqovinadan deputat Militsa Markoviçin “Azərbaycanın sərhədyanı rayonlarının sakinləri qəsdən sudan məhrum edilirlər”.

Ermənistan hakimiyyəti bu sənədlərin qəbuluna əngəl törəməyə çalışır. Bu məqsədlə Yerevan bütün imkanlarını işə salıb – Ermənisana dost olan ölkələri bu sənədlərin qəbuluna mane olmağa razı salmağa cəhd göstərir.

Əsasən Ermənistan parlamentinin vitse-spikeri Eduard Şarmazanov Baltikyanı ölkələrə, Çexiya və Yunanıstana səfər edib.

Bir neçə parlament komissiyasının rəhbəri Ovannes Saakyan, Artak Zakaryan və Samvel Farmanyan bəzi Avropa ölkələrində olublar.

Erməni diasporu İnternetdə bir neçə aksiyaya və AŞPA-da antierməni sənədlərinin qəbuluna qarşı imza toplamağa təşəbbüs göstərib. Bu sənədlərdə Azərbaycan ərazilərinin işğalını, Qarabağ münaqişəsində beynəlxalq hüquq prinsiplərinin ermənilər tərəfindən pozulmasını təsdiqləyən formul əksini tapır.

Həmin sənədlərin AŞPA-nın qış sessiyasının gündəliyindən çıxarılması ilə bağlı erməni tərəfinin bundan öncəki cəhdləri baş tutmayıb.

Qeyd edək ki, sessiyadan iki gün öncə ATƏT-in Minsk Qrupu AŞPA-nı sözügedən sənədlərin qəbulundan çəkinməyə çağırıb.

“Yaxın vaxtlarda AŞPA Qarabağ münaqişəsinə dair qətnaməni müzakirə edə bilər. Biz Assambleyaya, həmçinin digər regional və beynəlxalq təşkilatlara xatırladırıq ki, Minsk Qrupu danışıqlar üçün qəbul edilmiş yeganə format olaraq qalır”, - ATƏT-in Minsk Qrupu həmsədrlərinin 22 yanvar tarixli bəyanatında deyilir.

“Biz AŞPA üzvlərinin maraqlarını qiymətləndiririk, lakin ATƏT-in Minsk Qrupunun mandatına xələl gətirə biləcək və ya danışıqların davam etdirilməsini çətinləşdirə biləcək addımları qəbul etməməyə çağırırıq”, - sənəddə deyilir.

Bu bəyanat Azərbaycan XİN-in cavab reaksiyasına səbəb olub. XİN Minsk Qrupu həmsədrlərini Qarabağ münaqişəsinin nizanlanması prosesini monopoliya etmək cəhdlərində suçlayıb.

Öz növbəsində Yerevan sənədlərin qəbul edildiyi halda AŞPA-dan çıxa biləcəyilə hədələyib.

Qeyd edək ki, AŞPA-da bu məsələ ilə bağlı qüvvələr bölgüsü tam aydın deyil. Bakı Türkiyə nümayəndə heyətinin, Böyük Britaniya, Baltik ölkələri, Ukrayna, Moldova, qismən Gürcüstan, İspaniya və Fransa deputatlarının səsinə ümud edə bilər.02D—