“Azərbaycan Hava Yolları” (AZAL) QSC bu gün məlumat yayıb ki, iyunun 22-dən bazar günləri Gəncə-Mineralnı Vodı-Gəncə marşrutu üzrə müntəzəm reyslər həyata keçirəcək. Amma “Silk Way Travel” aviabiletlərin satışı üzrə agentlikdə Turan-a deyiblər ki, bu marşrutla ilk reys 15 iyuna planlaşdırılıb.
Gəncədən uçuş saat 16.20-da, Mineralnıye-Vodıda eniş saat 16.30-da,
Mineralnıye-Vodıdan uçuş saat 17.30-da, Gəncədə eniş saat 19.35-də olacaq. Uçuşlar müasir və komfortlu Embraer tipli hava gəmiləri ilə həyata keçiriləcək. Mineralnı Vodıya bilet 164 manat, iki tərəfə 250 manatdır.
AZAL Bakıdan da Mineralnı Vodıya uçuş həyata keçirir. İyundan bu marşrutla reyslər həftədə üç dəfə (bazar ertəsi, çərşənbə, şənbə) olacaq. Biletin iki tərəfə ninimal qiyməti 277 manatdır.
Gəncə beynəlxalq hava limanından yerli reyslərdən başqa (Naxçıvan və Bakı) Moskva, İstanbul, Sankt-Peterburq və Tümenə beynəlxalq aviareyslər həyata keçirilir. İyunun 5-dən Antalyaya çarter reysləri bərpa olunur. Bu marşrutla iki tərəfə aviabilet 540 manatdır. 08B
İqtisadiyyat
-
Azərbaycan Yerüstü Nəqliyyatı Agentliyinin (AYNA) və Rəqəmsal İnkişaf və Nəqliyyat Nazirliyinin nümayəndələrinin iştirakı ilə qanunvericiliyin təkmilləşdirilməsi ilə bağlı keçirilən brifinqdə Azərbaycanın yerüstü nəqliyyatı sektorunda strateji planlaşdırma sahəsində zəif cəhətlər müəyyən edilib.
-
Azərbaycan Respublikasının Nazirlər Kabineti “Tikinti sənədlərinin təsdiqi və tikinti xidmətlərinə görə haqların məbləği ilə bağlı qüvvədə olan Əsasnamə”də dəyişiklik edib. Dəyişikliklər Azərbaycan Konstitusiyasının 119-cu maddəsini rəhbər tutur və tikintiyə icazə və istismarla bağlı proseslərin sadələşdirilməsinə yönəlib.
-
Azərbaycan Respublikasının Nazirlər Kabineti dövlət səhiyyə sisteminə daxil olan tibb müəssisələrinə tibb işçilərinin işə qəbulunun yeni qaydasını təsdiq edib. 2025-ci il yanvarın 1-dən qüvvəyə minən qərar ölkədə icbari tibbi sığortanın tətbiqini gücləndirmək məqsədi daşıyır.
-
Türk Dövlətləri Təşkilatı (TDT) kənd təsərrüfatı məhsulları üçün “OTS Made” brendini təqdim etmək üçün bu yaxınlarda kənd təsərrüfatı paytaxtı adlandırılan Qubada toplantı keçirib.
Rəy yaz