“Benkons Group” Azərbaycan şirkəti Rusiyada futbol üzrə dünya çempionatı üçün Kazanda 21 mərtəbəli otel-ofis kompleksi tikəcək. Bu barədə welcome2018.com-a Tatarıstanın İnvestisiya İnkişafı Agentliyinin mətbuat katibinin rəhbəri İsgəndər Əhmədov bildirib.
Rusiya KİB-nin (http://goo.gl/rxFBsW) məlumatına görə, tikintiyə 2016-cı ildə "Kazan Arena" stadionunun yaxınlığında başlanılacaq. Bunun üçün 1,9 ha torpaq sahəsi ayrılıb. Binanın ümumi sahəsi 30,1 min kv m olacaq. Burda 13 ofis və 252 otel nömrəsi olacaq.
Bu, “Benkons Group”un Tatarıstanda ikinci iri investisiyasıdır. Buna qədər 53,8 mln litr gücündə şirə zavodu (http://goo.gl/x7OeeP) və logistika mərkəzi tikintisi barədə qərar qəbul edilib. 2017-ci ildə başa çatacaq layihənin qiyməti 4 mlrd rubldur.
Benkons həmçinin Orda şəhərində (Tuva Respublikası) otel-ofis kompleksinin tikintisini başa çatdırır. Bu obyektin tikintisinə 50 mln dollar investisiya ayrılıb. Latviyadakı “Hotel de Rome” da 2011-ci ildən “Benkons”un mükiyyətindədir.
“Benkons Group” 2008-ci ildən fəaliyyət göstərir və Azərbaycan və xaricdə (RF, Almaniya, Latviya) olan şirkətləri birləşdirir. Qrup “Gilan Holding”in iştirakçısıdır.
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz