![Gömrükçülər rekord vurub](https://turan.az/resized/./turan-750-500-resize.webp)
Gömrükçülər rekord vurub
Bu ilin aprel ayında Dövlət Gömrük Komitəsi (DGK) 227,4 milyon manat vergi və rüsum toplayıb. Bu, qurumun tarixində ən böyük aylıq göstəricidir.
DGK-nın məlumatına görə, apreldə 54,2 mln manat gömrük verigisi, 15,6 mln manat aksiz və 12 mln manat yo vergisi toplanıb.
Mütəxəssislərin fikrincə, gömrükçülər bu nailiyyəti manatın ABŞ dollarına nisbətdə məzənnəsi hesabına əldə edib. Gömrük ödənişləri dollarla hesablanır, manatla ödənilir. Bundan başqa, DGK bu ildən sərhədyanı ərazidə yaşayan vətəndaşların özləri ilə gətirdikləri gündəlik ehtiyac mallarının yoxlanılmasına nəzarəti sərtləşdirib.
Bu il DGK-nın vergi və rüsum yığımı planı 1 590 mln manatdan 1 810 mln manata artırılıb. Dörd ayda qurumun xətti ilə dövlət büdcəsinə 644,3 mln manat köçürülüb. Bu, 2015-ci ilin eyni dövründəkindən üçdə bir çoxdur. 08B
Ötən ilin sonuncu rübündən bəri DGK sərhədyanı ərazidə yaşayan vətəndaşların özləri ilə gətirdikləri gündəlik ehtiyac mallarının yoxlanılmasına nəzarəti sərtləşdirib. Komitə bu səbəbdən hər həftə vətəndaşlarla gömrük əməkdaşları arasında baş verən qarşıdurma hallarına dair məlumat yaymaqdadır.
Bu il DGK xətti ilədövlət büdcəsinə ödəmələr 13,8 faiz daha çox proqnozlaşdırılıb. Gömrükçülər ötən ildəkindən (1 milyard 590 milyon manat) 220 milyon manat çox pul toplamalıdır. Plana görə, dövlət büdcəsinə ödəmələrin 10,8 faizi DGK-nın payına düşməlidir.
Bu ilin 4 ayında komitə 644,3 milyon manat, yaxud ötən ilin eyni dövründən 33,2 faiz artıq vəsait yığmağa nail olub.
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz