"Azəriqaz" istehsalat birliyi 11 yanvarda səhər Qazıməmməd-Qazax magistral qaz kəmərinin Göyçay sahəsində baş verən qəzanın nəticələrini aradan qaldırır.
"Azəriqaz"da Turan-a bildiriblər ki, qəza yerində bir neçə briqada işləyir. Bakıdan ora zəruri texnika və yeni borular göndərilib. Onlar yeni texnologiya ilə izolyasia edilib.
Partlayış saat 07:20-də Qarabaqqal kəndi ərazisində olub. İlkin məlumata görə, qəzaya səbəb qaz sızmasıdır. Partlayışdan sonra yanğın olub. Hadisə yerinə Ağdaş magistral qaz kəmərinin əməkdaşları və üç yanğınsöndürən gəlib. Təpəlikdə olan hadisə yerində yollar buz bağladığı üçün xüsusi texnika oraya gec çatıb.
Nəticədə Göyçayın 6 kəndi və mərkəzdə 1500 abunəçi qazsız qalıb.
Göyçay Bakıdan 255 km məsafədədir.
* 2012-ci ilin fevralında Göyçayda magistral qaz kəmərində yanğın olmuşdu. Onda boru kəmərinin bərpasına bir həftə lazım oldu. --12В—
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz