Buryatiya Respublikası hakimiyyəti valideynləri tərəfindən atılmış iki azərbaycanlı qız barədə məlumat yayıb. Buryatiya Xüsusi Reabilitasiya Mərkəzinin məlumatında deyilir ki, 25.02.2011-ci il tarixində yetkinlik yaşına çatmayan Cəbrayılova Yaqut Tələt qızı (16.05.1999-cu il tarixində Göyçayda anadan olub. Göyçay rayon qeydiyyat şöbəsindən verilən 23 iyun 1999-cu il tarixli 211 saylı doğum şəhadətnaməsi bunu təsdiqləyir) ora daxil olub.
Sənəddə qeyd olunub: Atası: Cəbrayılov Tələt Feyruz oğlu; milliyyəti: azərbaycanlı
Anası: Həmidova Sevinc Həmidqızı; milliyyəti azərbaycanlı
Göyçay rayon qeydiyyat şöbəsinin rəisi Könül Məmmədova (imza var)
Verilmə tarixi: 30 avqust 2010-cu il №842
Möhür: Azərbaycan Respublikası Ədliyyə Nazirliyi
Göyçay rayon qeydiyyat şöbəsi
Bundan başqa uşaqda heç nə yoxdur.
Mərkəzdə yetkinlik yaşına çatmayan digər bir qız Həmidova Ayişə Tələt qızı var 31.07.2002-ci il doğum tarixli. Buryatiyada anadan olub. 2011-ci il 17 fevral 2946 saylı tibbi arayış var. Lakin Rusiya vətəndaşlığı yoxdur. (Rusiya tərəfinin məlumatına görə, o, Yaqut Cəbrayılovanın bacısıdır).
Uşaqların anası Həmidova Sevinc Həmid qızı 22.08.1971-ci il tarixində anadan olub (pasportun surəti üzrə Azərbaycanda, Bakıda anadan olub). 29.09.2010-cu il tarixində Ulan-Udedə vəfat edib. Bu barədə ölüm aktı tərtib olunub. Onun üzərində 21.12.1989-cu il tarixli 60928 saylı pasportun surəti olub.
Ata Cəbrayılov Tələt Feyruz oğlu 04.04.1974-cü ildə anadan olub. İnterpolun məlumatına görə, 26.08.2000-ci il Azərbaycan DİN tərəfindən axtarışda olub.
13.09.2010-cu il tarixində həbsdən buraxılıb, Buryatiya Respublikası, Komuşka qəsəbəsi, Dalnevostoçnaya küçəsi, ev 11, mənzil 1-də kirayədə yaşayıb. İşləyib, vaxtaşırı uşaqlara baş çəkib (bu barədə valideynlərin ziyarət kitabçasında qeydlər var).
28.02.2011-ci ildə ata doğum haqqında şəhadətnamə alana və atalıq müəyyən olunana kimi qızların saxlanma müddətinin uzadılmasını xahiş edib. Lakin o vaxtdan gəlməyib, zəng etməyib, uşaqların taleyi ilə maraqlanmayıb.
Bununla əlaqədar Reabilitasiya Mərkəzi yetkinlik yaşına çatmayan Cəbrayılova Yaqut Tələt qızının və Həmidova Ayişə Tələt qızının gələcək həyatı ilə bağlı yardım göstərilməsini xahiş edir. Qızlar üç ildir ki, oradadır, müvafiq sənədlər olmadan uşaq evlərinə, ailələrə verilə bilməzlər.
“Sizdən xahiş edirik ki, Cəbrayılova Yaqut Tələt qızının Azərbaycan vətəndaşı olub-olmamasını və Azərbaycan Respublikasının Həmidova Aişə Tələt qızını Azərbaycan vətəndaşı hesab edib-etmədiyini öyrənmək üçün bizə yardım göstərəsiniz”, - müraciətdə deyilir.
Cavabın aşağıdakı ünvana göndərilməsi xahiş olunur: 671345 Rusiya, Buryatiya Respublikası, Muxorşibirsk rayonu, Xoşun-Uzur, Korporativ küçəsi, 22, telefon-faks 8(30143) 28-3-84 ya elektron poçt: yana_cybikova@mail.ru Sosial iş üzrə mütəxəssis Tsıbikova Yanjima Sergeyevna. -02D-
Söz istəyirəm
-
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).
-
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.
-
Bakını qərq etməkdə olan miqyaslı daşqın ərəfəsində Buzovna qəsəbəsində narahatedici hadisə baş verdi, Lada Priora avtomobili qarşısındakı yolu dağıdaraq sanki yerin altına girdi. Sürücü möcüzəvi şəkildə sağ qaldı, lakin ədalətə nail olacağına and içdi və "Azərsu" ASC-dən - dərin kök salmış korrupsiya ilə tez-tez assosiasiya olunan dövlət su təchizatı və kanalizasiya şirkətindən prokurorluğa rəsmi şikayət verəcəyini vəd etdi.
-
Necə bir acizlikdir, bir gecə yağan yağışda tuneldə qalan adamı xilas etmək olmadı. Bir gün sonra meyiti tapılır. Gecə onu qurtarmağa gedən başqa bir vətəndaş çarəsizcə geri qayıdır.
Rəy yaz