Tut bağının yerində yaşayış evləri tikiləcək

Nazirlər Kabineti Ağcabədi rayonunda sərhəd yaxınlığında 12,3 ha sahənin təyinatını dəyişib. Vətəndaşların yaşayış evi ehtiyacı nəzərə alınaraq torpaq sahələri yaşayış məntəqələrinin torpaqları kateqoriyasına keçirilib. Hökumət belə addımlara az əl atır. 

Hökumətin 24 yanvar 2012-ci il tarixli, bu yaxınlarda açıqlanan sərəncamı ilə  Təzəkənd bələdiyyəsinin ehtiyat fondunda olan 10,0 hektar əkin və Avşar bələdiyyəsinin mülkiyyətində olan 2,3 hektar, o cümlədən 1,0 hektar örüş və 1,3 hektar çəkil bağının yerləşdiyi yaşayış evlərinin tikintisi üçün ayrılır. Sənəd Kənd Təsərrüfatı Nazirliyi, Ekologiya və Təbii Sərvətlər Nazirliyi və Dövlət Torpaq və Xəritəçəkmə Komitəsi ilə razılaşdırılıb və tikinti işlər zamanı cavan tut ağaclarının saxlanması tövsiyə edilib. 

Azərbaycanda kənd təsərrüfatı təyinatlı torpaqların tikinti üçün istifadəsi üzrə onlarla örnək var. Belə praktika Abşeron rayonu və Bakı kəndlərində geniş yayılıb. Amma Nazirlər Kabineti bu torpaqların təyinatını dəyişmir. Ona görə onlarla min vətəndaş bu topraqlara və tikdiyi evlərə sənəd ala bilmir. 08D